Srajatdinov Amanbay Qonısbay ulı búgingi kúnde mámleketimizde úzliksiz bilimlendiriw sistemasın engiziw, jaslardıń bilimin asırıw boyınsha jan kúydirip miynet etip kelmekte.

– Ol 2020-jıl Nókis qalası orayınan 300 orınǵa arnalǵan jámi 150 mln somlıq jańa hám zamanagóy úskeneler menen úskenelengen mámleketlik emes bilimlendiriw mákemesi iskerligin jolǵa qoyǵan;

– Búgingi kúnge kelip bilimlendiriw mákemeleri iskerligin keńeytirip, oqıwshılardı qabıllaw sanı 2900 orınǵa kóbeygen;

Usı bilimlendiriw mákemesinde 2 mıń 362 oqıwshıǵa eń tájiriybeli 62 oqıtıwshı tálim-tárbiya berip kelmekte. Bilim dárgayında 14 pán dógeregi iskerlik kórsetedi;

– 2020-2023-jıllarda bilimlendiriw shólkeminen 5700 oqıwshı  Joqarı oqıw ornına kiriw kórsetkishi 96%tı quraǵan hám 4000 den zıyat oqıwshılar shet tiller boyınsha IELTS, Multilevel hám SAT sertifikatların joqarı ball menen alıwǵa erisken;

– Bilimlendiriw shólkemi tárepinen sońǵı úsh jılda jámi 21 000nan artıq oqıwshıǵa 15 mlrd somlıq xızmetler kórsetilgen hám kórsetilgen xızmetler esabına jámi 1.5 mlrd. som sap payda alınǵan;

Bul mámleketlik emes bilimlendiriw shólkemi 2024-jıl basınan 2000 oqıwshı jaslarǵa shet tilleri, sociallıq gumanitar hám anıq pánler boyınsha sapalı bilim berip kelmekte. 2022-2023-jılları Jaslar isler agentligi Qaraqalpaqstan Resbulikasi basqarması menen dúzilgen shártnama tiykarında 300 jastı “Ílım fan”, 305 jastı “Keleshek kásipleri” joybarı sheńberinde oqıtıp keldi.
A.Srajatdinov bilimlendiriwdegi nátiyjeli iskerligi menen birge kem támiyinlengen shańaraqlarǵada sociallıq járdemler kórsetip, bilimlendiriw sistemasında jańalıq jaratılıwına óz úlesin qosıp kelmekte.