Ellikqala rayonında jaslar aylıǵı sheńberinde bir qatar ilajlar hám sektor basshılarınıń jaslar menen ushırasıwları dawam etpekte.

Ushırasıwda rayon hákimi, 1-sektor basshısı V.B.Niyazimbetov, rayon ishki isler bólimi baslıǵı, 3-sektor basshısı Q.Uzaqbaev, rayon salıq inspekciyasi baslıǵı, 4-sektor basshısı N.Abaev, Respublika isshi toparı wákili Ǵ.Xazratqulov hám kárxana, shólkem basshıları hám jaslar qatnastı.

Atap aytqanda, rayon hákimi V.Niyazimbetov sózge shıǵıp, ellikqalalı jaslarımızdıń túrli tarawlarda erisip kiyatırǵan jetiskenliklerin maqtanısh penen tilge aldı.

Ushırasıw juwmaǵında jaslarımız ózlerin qıynap atırǵan mashqalaları boyınsha múrájat etti. Múrájattıń kópshiligi bántlik máselesinde bolıp, sol orınnıń ózinde-aq qadaǵalawǵa alınıp jumıs menen támiyinleniwi boyınsha tiyisli juwapkerlerge tapsırmalar berildi.

Sonıń menen birge, jaslar tárepinen isbilermenlik xızmetlerin baslawı ushın subsidiya hám jeńillikli kredit alıwda kómeklesiw máselesinde múrájat etildi. Bul máseleler boyınsha sektor basshıları tárepinen tiyisli juwaplar berildi hám orınlanıwı qadaǵalawǵa alındı.