Búgin, 12-may kúni «Bozataw FEST — Jaslar hawazı» tańlawınıń operashılıq baǵdarı boyınsha final hám super final bellesiwleri Nókis qalasındaǵı sport mektebi imaratında shólkemlestirilgen arnawlı pavilonda bolıp ótti.

Ulıwma 3 jas kategoriyasında (10-15 jas, 16-22 jas, 23-30 jas) jámi 39 jas óz-ara kúsh sınastı. Sonday-aq, operashılıq baǵdarı boyınsha tańlaw baqsıshılıq baǵdarınan parıqlı túrde final hám super final bellesiwleri bir kúnde ótkerildi.

Quwanıshlı tárepi, jerleslerimiz 10-15 jas kategoriyasında qatnasqan Saidmurat Taganov hám 16-22 jas kategoriyasında qatnasqan Sárbinaz Kárimbaevalar SUPER FINAL jollamasın qolǵa kirgizip, jeńimpaz bolıwǵa jáne bir adım jaqınladı.

Qızǵın tarıslarǵa bay túrde bolıp ótken tańlaw nátiyjeleri 16-may kúni Bozataw rayonı stadionında bolıp ótiwi jobalastırılıp atırǵan gala-koncertte járiyalanadı.

Bozataw qábiletlilerdi júzege shıǵarıwda dawam etedi.