Búgin, 11-may kúni «Bozataw FEST — Jaslar hawazı» tańlawınıń baqsıshılıq baǵdarı boyınsha bellesiwler Nókis qalasındaǵı sport mektebiniń imaratında qurılǵan arnawlı pavilonda bolıp ótti.

Tańlawda jámi 3 jas kategoriyasında 36 qatnasıwshı óz-ara kúsh sınastı.

Tańlawda milliy dástanlardan úzindiler atqarıw boyınsha óz talantın kórsetken jaslar tóreshiler komissiyası tárepinen bahalap barıldı.

Juwmaqlawshı nátiyjelerge bola, talantlılar ishinde eń jaqsı dep bahalanǵan 3 jas kategoriyası boyınsha 16 jas tańlawdıń super finalına jollanbanı qolǵa kirgizdi.

Solay eken, jas baqsılarımız jeńis ushın birinshi qádemdi basıp ótti. Endi olar 15-may kúni «Bozataw FEST — Jaslar hawazı» tańlawınıń super finalında óz qábiletlerin jáne bir ret sınnan ótkeredi.

Bozataw talantlılardı júzege shıǵarıwda dawam etedi.