Nókis rayonınan xabarlar

Ózbekstan Respublikası Ministrler Kabinetiniń 2020 jıl 11 noyabrdegi «Ózbekstan Respublikasında 2023 jılda xalıqtı dizimge alıwǵa tayarlıq kóriw hám onı ótkeriw haqqında»ǵı 710-sanlı qararında belgilep berilgen tapsırmalardı orınlaw maqsetinde házirgi kunde Nókis rayonı boyınsha 10 MPJ, APJ hám PPJ bolıp 2022 jıl 1 aprel jaǵdayına ulıwma halıq sanı 52,0 mıń adamdı kuraydı.
Sonıń menen birge, bólim xızmetkerleri tárepinen rayon aymaǵında jaylasqan mákeme, kárxana, ózin-ózi basqarıw uyımları hám bilimlendiriw mákemelerinde ushırasıwlar, seminarlar ótkerip barmaqta. Bólim xızmetkerleri máhalle hám shańaraqtı qollap-quwatlaw bólimi xızmetkerleri menen birgelikte, hár bir mákan hám awıl puqaralar jıyınlarına, orınlarǵa shıqqan halda kóshe atamaları, jay nomerleriniń tiyisli tártipte qıstırılıwı hámde aymaqtıń kartaları boyınsha uyreniw jumısları alıp barılmaqta.
Sonıda aytıp ótiwimiz kerek, Ózbekistan Respublikası Prezidenti tárepinen 2020 jıl 3-avgustta «Ózbekstan Respublikasınıń milliy statistika sistemasın jánede jetilistiriw hámde rawajlandırıw ilájları haqqında»ǵı PQ-4796 sanlı qararı qabıllanıp, oǵan muwapıq statistika organları talap joqarı bolǵan sapalı hám isenimli maǵlıwmatlardı qáliplestiriwge, statistikalıq maǵlıwmatlardıń ashıqlıǵı hám áshkaralıǵın támiyinlewge qaratılǵan professional, ǵárezsiz xızmetke aylandırıw belgilep qoyılǵan.
Mámleketimizde ekonomikamızdıń negizgi kórsetkishlerinen bolǵan kishi biznes hám jeke isbilermenlikti rawajlandırıw, puqaralardı isbilermenlikke keńnen tartıw, olar ushın shárayatlar jaratıw, mikrofirma hám kishi kárxanalarda bántligi támiynlenbegen jaslardı jumıs penen támiyinlew boyınsha rayonımızda keń kólemli jumıslar alıp barılmaqta.
2022 jıldıń 1 aprel jaǵdayına rayonımızdıń aymaǵında 1760 xojalıq juritiwshi subektler mámleketlik dizimge alınǵan bolıp, sonnan kishi biznes subektleri 1616 di quraydı. Dizimge alınǵan kishi biznes subektlerinen háreket etip turǵanı 1281 subekt bolıp, sonnan 43 subekt jıl basınan jańadan ashılıp bugingi kunde óz jumısların jolǵa qoyıp óz xızmetlerin xalqımızǵa usınbaqta. Jańadan ashılǵan isbilermenlik subektlerine mámleketimiz tárepinen berilip atırǵan jeńillikler, statistika bólimine tapsırılatuǵın mámleketlik statistikalıq esabatlar hám olardıń muddetleri haqqında tusindiriw jumısları alıp barılmaqta.
Rayonımızda dizimge alınǵan kishi biznes subektlerinen sanaat kárxanaları sanı 110, qurılıs kárxanaları sanı 99, sawda kárxanaları sanı 166 hámde 457 awılxojalıǵı h.t.b. kárxanalardan ibarat.
2022 jıldıń 1 aprel jaǵdayına rayon aymaǵında háreket etip turǵan sanaat kárxanaları tárepinen 60,0 mlrd sumlıq sanaat ónimleri, sırtqı sawda aylanbası 691,7 mın AQSh dollar, usaqlap satıw tovar aylanbası 47,0 mlrd.sum, jámi xızmetler tarawı 34,0 mlrd.sum bolıp 111,1 payızın quradı xámde ósim páti támiyinlendi.