AQShtıń kishi grantlar baǵdarlaması qáwenderliginde «Qáwipsiz keleshek» joybarı tiykarında «Istiqbolli avlod» Respublika sociallıq-informaciyalıq orayı tárepinen Kegeyli rayonı jaslar jetekshileri hám belsendi jaslarına seminar-trening shólkemlestirildi. Seminardı shólkemlestiriwdegi tiykarǵı maqset, búgingi kúnde dúnya júzinde júz berip atırǵan terrorshılıq háreketler, qanlı sawashlar, óz-ara kelispewshiliklerdiń unamsız aqıbetlerin ósip kiyatırǵan jas áwladqa durıs túsindiriw, insan sanasın buzǵınshı ideyalardan qorǵaw, sonday-aq basqada aǵımlar tásirine túsip qalıwınıń aldın alıw bolıp tabıladı.