Búgin Nawayı mámleketlik kánshilik institutı Nókis filialında Qaraqalpaqstan Respublikası Ishki isler ministrliginiń  Jámiyetlik qáwipsizlik xızmeti huquqbuzarlıqlar profilaktikası basqarması aǵa inspektor podpolkovnik P.Seytmuratov,  Nókis qalalıq Ishki isler organları jumısların muwapıqlastırıw basqarması 4-sanlı Ishki isler bólimi baslıǵı podpolkovnik Q.Pirniyazovlar profilaktika kúni múnásábeti menen professor-oqıtıwshılar hám student-jaslar qatnasında ushırasıw shólkemlestirildi.

Ushırasıwdı Nawayı mámleketlik kánshilik institutı Nókis filialı direktorı A.Kaipbergenov kiris sóz benen ashıp berdi.

Ushırasıw dawamında mıymanlarımız sózge shıǵıp búgingi kúnde respublikamızda jaslar arasında júzege kelip atırǵan huquqbuzarlıqlar hám olardıń aldın alıw baǵdarında huquq qorǵaw uyımları tárepinen alıp barılıp atırǵan jumıslarǵa ayrıqsha toqtalıp ótti.

Bunnan tısqarı bilip, bilmey islegen hár qanday mayda huquqbuzarlıqlarda jınayıy juwapkershilikke tartıwǵa tiykar bolatuǵınlıǵın maǵlıwmat ushın keltirip ótti.

Ushırasıw barısında student-jaslar ózlerin qızıqtırǵan sorawlarına tiyisli tártipte taraw qániygelerinen juwaplar aldı.

Derek: Filial baspasóz xızmeti