Qanlıkólde kitapqumarlıq en jaydırılmaqta!

Xalqımız arasında kitapqumarlıq mádeniyatın en jaydırıw hám kitapqa bolǵan qızıǵıwshılıǵın asırıw maqsetinde «Mádeniyat» máhalle puqaralar jıyını jaslar jetekshisi baslaması menen jeke isbilermen Xojambergenov Ramazan tárepinen ashılǵan shashtárexanada «Kitap oqıǵanǵa 10% shegirme» astında kitap múyeshi shólkemlestirildi. Bunnan maqset náwbette turǵan puqaralar televizor yaki telefondı emes, bálkim sol jerde turǵan kitaplardı oqısa, shashtárezge bergen pulınıń 10 % muǵdarındaǵı shegirme beriledi. Isbilermen jasımızdıń aytıwınsha bir kúnniń ózinde, kitap oqıp otırǵan adamlar sanı kóbeyip atırǵanlıǵın ayttı.

Usı orında, atap aytqımız keledi ertengi kitap oqıp spark avtomashinasın alatuǵın jaslar usı shashtárezxanadaǵı kitap múyeshiniń oqıwshıları bolıwı múmkin.