Qanlıkólli jaslar belsendi!

Ózbekstan Respublikası Prezidenti Sh.M.Mirziyoyevtıń 2021-jıl 2-noyabr kúngi ótkerilgen videoselektor májilisinde belgilengen wazıypalardıń orınlanıwın támiyinlew, sonday-aq, xalıqtıń, ásirese, jaslardıń ekologiyalıq mádeniyatın arttırıw, qorshaǵan ortalıqqa bolǵan dıqqat-itibarın kúsheytiw, ana tábiyattı keleshek áwladlar ushın asırap-abaylaw, ekologiyalıq jaǵdaydı jaqsılaw hám de qorshaǵan ortalıqqa unamsız tásirlerdiń aldın alıw maqsetinde Qanlıkólli jaslardıń baslaması menen «Nawrız» awıl puqaralar jıyını aymaǵında «Jasıl mákan» akciyası shólkemlestirildi.

Akciya sheńberinde 300 ge jaqın náller otırǵızıldı. Bunday akciyalar ele de dawam etedi.

Bul iygilikli jumıslarǵa barlıq jaslardı belsene qatnasıwǵa shaqırıp qalamız!