Shımbay rayonı “Abat mákán” MPJda jasawshı jas shayır Dáwletbay Bazarbaevtiń “Jaqsılıqqa jeteklewshi insan” atamasındaǵı birinshi qosıqlar toplamı baspadan shıqtı.

Dóretiwshiniń kitabın baspadan shıǵarıwda Qaraqalpaqstan aymaǵında jumıstan hám awırıwdan bolǵan mayıplardıń birlespesi tárepinen “Mehir bulaǵı” grant joybarı tiykarında qarjılay járdem kórsetildi.

Dáwletbay II topar mayıbı bolıwına qaramastan jámiyet turmısında belsendi jaslardan biri. Óz kewlinen shıqqan arzıw-niyetlerin, ármanların qosıq qatarlarında keltirip ótken.
Shayırdıń baspadan shıqqan kitabı rayon orayındaǵı 8-sanlı Balalar muzika hám kórkem-óner mektebinde keń jámiyetshilikke tanıstırıldı.