20-aprel kúni Shımbay rayonı 8-sanlı Balalar muzıka hám kórkem-óner mektebinde kópten kútilgen «Ómirbek laqqı ligası»nıń II tur basqıshı bolıp ótti. Ligada jámi 7 komanda yaģnıy, «Shımbay show», «Shaxtemir», «Ózgelerden-ózgeshe», «Shımbay jasları», «Fantamas», «Qarekeń» hám «Telman jasları» komandaları qatnastı. Bul komandalar jarıs dawamında:
🔹Sálemnama (Finalǵa bir qádem);
🔹Biatlon (Keshe bir qızıq boldı…);
🔹Improbizaciya
bellesiw shártlerin háreketli kórinisler hám kúlki háziller menen jaqsı atqardı.

Saxnada óz talantların kórsetken talant iyeleri tamashagóylerge umıtılmas keshe inam etti. 150 ge shamalas jaslar tamashagóy bolģan hám qatnasqan bul kúlki maydanında bolģan bellesiw finalda kúsh sınasıwshı jaslardı anıqlap berdi. Keyingi final basqıshına 5 komanda jollama aldı. Finaldıń házil maydanında kúsh sınasatuǵın komandalar menen tanısıń:
💥 Shımbay shou
💥 Shaxtemir
💥 Ózgelerden-ózgeshe
💥 Shımbay jasları
💥 Fantamas toparları
‼️ Sonıda aytıp ótiw kerek final yaģnıy, III tur juwmaǵında bul talantlı jaslardı:
🎁1-orın ushın 5 mln swm,
🎁2-orın ushın 3 mln swm,
🎁3-orın ushın 2 mln swm kútpekte.
‼️ Bulardan sheklenip qalmastan bellesiwde óz ónerin kórsetkenlerge qımbat bahalı sawģalar beriledi.