Qaraqalpaqstanlı jas dóretiwshiniń qosıǵı Pákstan jurnalında járiyalandı
Jaslar awqamı Qaraqalpaqstan Respublikalıq Keńesi janında dúzilgen Jas dóretiwshiler klubınıń poeziya baǵdarı koordinatorı Ataǵulla Satbaevtıń bir qatar qosıqları Pakistan Islam Respublikasınıń «Sindh courier» ádebiy jurnalında járiyalandı.
«Sindh courier» onlayn basılımı pútkil dúnyadaǵı insan huqıqları, mádeniyat, átirap-ortalıq, tálim, densawlıqtı saqlaw hám basqa tarawlarǵa baylanıslı jańalıqlar menen bir qatarda ádebiy shıǵarmalardı da járiyalap baradı.
Maǵlıwmat ushın atap ótiw orınlı, Ataǵulla Satbaev 1995-jıl 10-avgustta Nókis qalasında tuwılǵan.
Házirgi waqıtta Berdaq atındaǵı Qaraqalpaq mámleketlik universiteti Qaraqalpaq ádebiyatı kafedrası stajyor-izleniwshisi. Sol menen birge paytaxtımızdaǵı 12-sanlı ulıwma bilim beriw mektebi qaraqalpaq tili hám ádebiyatı páni muǵallimi. Onıń ilimiy maqala hám tezisleri, ádebiy shıǵarmaları xalıqaralıq hám respublikalıq gazeta-jurnallarda, almanaxlar hám ádebiy saytlarda járiyalanıp kelinbekte.