Mámleketimizde jaslar arasında ǵalabalıq sport jarısların ótkeriw, sporttı jáne de eń jaydırıw hám jaslardı ǵalabalıq túrde qamtıp alıw maqsetinde «Jaslar isleri agentligi kubogı» Respublika shaxmat turniriniń máhálle basqıshına start berilgen. Turnir tórt basqıshtan – háwesker erkek, háwesker hayal, proffesional hayal tayıpaları boyınsha bes basqıshta ótkeriledi.

Usı jıldıń 19-20-aprel kúnleri Kegeyli rayonındaǵı «Xalqabad» MPJda «Shaxmat» boyınsha Jaslar isleri agentligi kubogı Respublika shaxmat turniriniń máhálle basqıshı ótkerildi.
Usı turnirge Qaraqalpaqstan Respublikasınan jámi 19 751 jas arnawlı bot arqalı dizimnen ótken bolıp, sonnan 927 jas Kegeyli rayonındaǵı jaslar esaplanadı. Rayondaǵı «Xalqabad» MPJdan 56 shaxmatqa qızıǵıwshı jaslar dizimnen ótken bolıp, turnirdiń máhálle basqıshında aqıl gimnastikası maydanında óz-ara kúsh sınastı. Usı máhálle basqıshında qatnasqan 45 jas shaxmatshılar arasınan 6 (3 háwesker erkek, 3 háwesker hayal) sektor basqıshqa jollamanı qolǵa kirgizdi.

Qızǵın bellesiwler menen ótkerilgen jarıs juwmaǵında;
1-orın Nurlı bostan komandası
2-orın Sportshılar komandası
3-orın Jayxun komandası kolǵa kiritti.