Usı jıldıń 12-aprel kúni Jaslar isleri agentligi Qaraqalpaqstan Respublikası basqarması tárepinen Berdaq atındaǵı qaraqalpaq mámleketlik universiteti Mádeniyat sarayında «Bilim ring» intellektual forumı shólkemlestirildi.
Forumda 300den artıq jaslar qatnastı. Forumdı Jaslar isleri agentligi Qaraqalpaqstan Respublikası basqarması baslıǵı Ikram Abdikalikov ashıp berdi.
Forum dawamında jaslarǵa:

🔹»Bilim ring» intellektual turniri Qaraqalpaqstan Respublikası birinshiligi
🔸»Aydın» intellektual turniri
🔹»Intellektual arena» teleoyını
🔸»Brain ring» intellektual turniri
🔹»Zeyin» intellektual teleoyını
sıyaqlı máhállelerde jaslar arasında ótkeriletuǵın turnirlerdiń prezentaciyası islendi. Bul tańlawlar boyınsha jaslardıń pikir hám usınısları tıńladı.

Forum sheńberinde viktorina oyını shólkemlestirilip, 30 soraw oynaldı. Viktorina juwmaǵında:
Viktorina qatnasıwshısı Gúmisay Anapiyazova mobil telefondı, Dástan Erejepbaev hám álibek Shılmanovlar velosiped iyesine aylandı.

Jeńimpazlarǵa Jaslar isleri agentligi Qaraqalpaqstan Respublikası basqarması baslıǵı Ikram Abdikalikov tárepinen sawǵalar saltanatlı tapsırıldı.