Usı jıldıń 3-aprel kúni Jaslar awqamı Qaraqalpaqstan Respublikalıq Keńesi janında dúzilgen «Jas dóretiwshiler» klubı aǵzaları tárepinen «Shorsha baba» qoyımshılıǵına jerlengen ádebiyatımız hám mádeniyatımızǵa, ulıwma elimizdiń rawajı ushın qalıs xızmet etken belgili shayır-jazıwshılar, ilimpazlar hám mámleketlik ǵayratkerlerdiń qábiri átirapın abadanlastırıw maqsetinde shembilik shólkemlestirildi.

Shembilik ushın qurılıs materialları klub fondına jıynalǵan qarjılar esabınan satıp alındı hám buǵan 149 mıń sum muǵdarında pul jumsaldı.

Maǵlıwmat ushın atap ótiw orınlı, klubtı hár tárepleme qollap-quwatlaw maqsetinde arnawlı «Jas dóretiwshiler» fondı dúzilgen.

Bul fond qarjıları esabınan házirgi kúnge shekem túrli tańlawlar ushın diplom hám sawǵalar alıwda, klubtıń iskerligin rawajlandırıwda paydalanılıp kelinbekte.

Siz de Qaraqalpaqstandaǵı ádebiyat dúnyasına biyparıq bolmasańız, fond rawajı ushın óz úlesińizdi qosıwǵa shaqırıp qalamız!

Fond tólemi ayına 20 000 sum.

Fond eki túrdegi aǵzalardan ibarat:
1. Hár ay turaqlı túrde belgilengen summa ótkeriwshi mecenatlar;
2. Óz erkinshe qálegen summa ótkeriwshi mecenatlar.

Click: 9860010135098167
Telefon: +998913047117