Ózbekstan musılmanları qazıyatı Pátiwa komissiyasınıń 2022-jılǵı zakat nısabı, pitir sadaqa hám fidya muǵdarı boyınsha qararı qabıl etildi. Bul haqqında «Gazeta» basılımı jazbaqta.

Pitir sadaqası tómendegi tórt zattıń qunı muǵdarında shıǵarıladı.

2022 jıl ushın pitir sadaqasınıń muǵdarı:

• 2 kilogramm biyday 10 000 (on mıń) sum;
• 4 kilogramm arpa 16 000 (on altı mıń) sum;
• 2 kilogramm kishmish 100 000 (júz mıń) sum;
• 4 kilogramm xurma 160 000 (bir júz alpıs mıń) sum dep belgilendi.

Hár kim óz múmkinshiligine qaray bul tórt ónimniń qálegen bir túrinen pitir sadaqasın berse jeterli, delinedi xabarda.

Usı bahalar Tashkent qalasındaǵı bahalarǵa tiykarlanǵan halda belgilengen bolıp, hár bir wálayat óz bazarlarındaǵı bahaǵa qaray pitir sadaqasın belgileydi.

Bıyılǵı fidya muǵdarı bolsa bir miskinniń bir kúnlik azıq-awqatı muǵdarında bolıp, onıń ortasha qunı — 25 mıń sum etip belgilendi.

Bunnan tısqarı, zakat nısabı — 34 million sum hám onnan artıq pulǵa iye bolǵan adam, jámi pulınıń qırqtan birin (1/40) zakat niyetinde jarlı hám mútájlerge beredi.

Makan.uz