Shımbay rayonı «Keńes» APJ 6-sanlı K.Nurlıbaev saylaq okruginen saylanǵan deputat,Jaslar isleri agentligi rayonlıq bólim baslıǵı I.Zarlikov awıl turǵınlarınıń mashqalaların úyrendi.

Sonday-aq «Keńes» APJ aymaǵında jasawshı A. Tańırbergenov, B. Pirlepesov, J. Turımbetov sıyaqlı jası úlkenlerdi bayram qarsańında qutlıqladı hám azıq-awqat ónimlerin tapsırdı.

Sol menen bir qatarda «Abat-mákan» MPJda Nawrız bayramı sheńberinde jaslar jetekshisi baslaması menen máhálle aymaǵında jasawshı 1932-jılı tuwılǵan 90 jastı qarsı alǵan Q.Berdimuratov halınan xabar aldı.

Sonday-aq jaslar jetekshisi máhállede jasawshı mayıplıǵı bolǵan D. Bazarbaevtińda úyine barıp, bayram menen qutlıqladı, onıń jeke qızıǵıwshılıǵı boyınsha sáwbetlesti.

Rayon jaslarınıń bos waqıtların mazmunlı ótkeriw maqsetinde «Taza jol» APJ aymaǵında sporttıń voleybol túrinen jarıs shólkemlestirildi.

Jarısta jámi 8 máhálle jasları qatnasıp, 70 ten aslam rayon jasları qamtıp alındı