Qońırat rayonı Bárkamal áwlad balalar orayında 2-sektor baslıǵı, rayon prokurorı J.Muftullaev jaslar menen ushırastı.

Ashıq sáwbet formasında ótkerilgen ushırasıwda 2-sektor baslıǵı J.Muftullaev elimizde jaslarǵa qaratılıp atırǵan itibar hám olar ushın jaratılǵan jeńilliklerge toqtalıp ótti.
Sonıń menen birge jaslardıń múrájatların tıńlap, mashqalalardıń sheshimleri boyınsha óziniń usınısların bildirdi.

Ushırasıw sońında sektor aymaǵında jasawshı 6 jumıssız jasqa subsidiya tiykarında tigiw mashinaları tapsırıldı hám shártnama tiykarında joqarı oqıw orınlarında oqıp atırǵan 4 jasqa shártnama tóleminiń 50 payızına shekemgi tólemleri tólengenligi boyınsha arnawlı vaucherlerin tapsırdı.

Sol menen bir qatarda rayonnıń Qazaqstan respublikası menen shegaralas aymaǵı bolǵan «Qırq qız» PPJda jaslardı áskeriy Watansúyiwshilik ruwxında tárbiyalaw maqsetinde «Jas shegarashılar» áskeriy sport jarısı shólkemlestirildi.

Jarıslardıń bos waqıtların mazmunlı ótkeriw hám Prezidentimizdiń PQ-92 sanlı qararı orınlanıwın támiyinlew maqsetinde rayondaǵı «Órnek» APJda «Kewilli keshe» joybarı ámelge asırıldı.

Iláj dawamında talantlı jaslar qatnasıwında janlı hawazda qosıqlar atqarılıp jıynalǵan máhálle jaslarınıń kewillerine kóterińkilik baǵıshladı.

Reportyor: Barno Jalgasbaeva