Oqıwshılardıń bos waqıtların mazmúnlı ótkeriw hámde salamat turmıs tárizin úgit-násiyatlaw maqsetinde sporttıń kishi futbol túrinen “Balalar ligası” tańlawınıń Shomanay rayonlıq basqıshı bolıp ótti.

Mart ayı dawamında bolıp ótken sport jarısınıń máhálle hámde sektor basqıshlarına 10-14 jas aralıǵındaǵı 1018 jas qamtıp alınǵan bolıp, rayonlıq final basqıshına sektor basqıshlarında jeńimpaz bolǵan komandalar qatnasıp ózleriniń bar qábiletlerin sınaqtan ótkerdi.

Qızǵın gúreslerge bay ótken jarıs juwmaǵında 3-orındı “Diyxanabad” máhállesinen 9-sanlı mektep, 2-orındı “Begjap” máhállesinen 15-sanlı mektep hám 1-orındı “Taza bazar” máhállesinen 1-sanlı mektep komandası iyelep keyingi, yaǵnıy Qaraqalpaqstan Respublikalıq basqıshına jollama aldı.

“Men chempion bolģanımızdan júdá quwanıshlıman. Keleshekte Messige uqsaǵan juldız futbolist bolmaqshıman”- deydi “Taza bazar” máhállesi komandası sárdarı, 7-klass oqıwshısı Masharipov Muzaffar.