21-mart «Nawrız» ulıwmaxalıqlıq bayramı múnásibeti menen «Mádeniyat» mákan puqaralar jıyını jaslar jetekshisi baslaması menen kewilli qáwenderler tárepinen «Jaslar jaqsılıq jolında!» joybarı ámelge asırıldı.

Joybar sheńberinde duwtarǵa qızıǵıwshılıǵı joqarı bıraq shańaraq jaǵdaylarına baylanıslı jeke duwtarǵa mútájligi bar eki jas jaslar jetekshisi etken múrájatı qanaatlandırılıp, kewilli qáwenderler arqalı olarǵa duwtar ásbabın alıp beriwge kómeklesti.

Sonday-aq kem támiyinlengen shańaraqlarǵa biypul azıq-awqat ónimlerin tarqattı. Bul joybarda belsendilik kórsetken bárshe jaslar hám kewilli qáwenderlerge minnetdarshılıq bildiremiz! – deydi jaslar jetekshisi T.Muratbaev. Jaqsı isti hár kim hár kúni islewi kerek.