Bozataw rayonında máhállebay islew boyınsha 5 máhállede hákim járdemshileri hám jaslar jetekshileri jumıs alıp barmaqta.

Onda úyme-úy kiriw arqalı xatlaw jumısların alıp barıw arqalı puqaralar hám jaslardıń mashqalaların úyreniw hám olardıń unamlı sheshimine erisiwge ayrıqsha itibar qaratılmaqta.

Rayon hákimliginiń kishi májilisler zalında ótkerilgen ushırasıwda rayon hákimi M.Kaypanov hákim járdemshileri hám jaslar jetekshileri menen ashıq sáwbetlesti.

Onda hákim járdemshileri aymaqta xalıqtıń turmıs dárejesin jaqsılaw, isbilermenlikti rawajlandırıw, kásipke oqıtıw hám bántligin támiyinlew máselelerine ayrıqsha itibar qaratıw kerekligi atap ótildi.

Jaslar jetekshileri de hár kúni óz ústinde tınımsız izlenip, jaslardıń pikir hám usınısların ulıwmalastırǵan halda jańa baslamalardı ámelge asırıwı kerekligi boyınsha tapsırmalar berildi.