Shımbay rayonı «Gúlistan», «Kókshi qala», «Temir jol guzarı» máhállelerinde «Balalar ligası» atamasındaǵı 10-14 jas aralıǵında sporttıń mıni futbol túrinen jarıs shólkemlestirildi. Jarıs jeńimpazlari sektor basqıshına jollama aldı.

Rayondaǵı «Abat mákan» MPJ aymaǵında jaslar jetekshisi Q.Janibekovtıń baslaması menen jaslardıń bos waqıtların mazmunlı ótkeriw maqsetinde konsert baǵdarlaması shólkemlestirildi.

Sonday aq, «Eń úlgili mektep Sárdarlar Keńesi» tańlawınıń Shımbay rayonlıq basqıshı ótkerildi.

Sárdarlar Keńesi aǵzalarınıń óz-ara doslasıwı hám tájriybe almasıwın jolǵa qoyıwǵa baǵdarlanıp Jaslar isleri agentligi  rayonlıq bólimi hám Jaslar awqamı jergilikli Keńesi, Xalıq bilimlendiriw bólimi tárepinen «Eń úlgili mektep Sárdarlar Keńesi» tańlawınıń rayonlıq basqıshı shólkemlestirildi.

Tańlawda bilim hám ziyrekligi menen sektor basqıshında jeńimpaz bolǵan sárdarlar qatnastı.

Jarıs juwmaǵına kóre,

1-orındı 16-sanlı mektep;

2-orın 32-sanlı mektep;

3-orındı 42-sanlı mektep sárdarlar keńesi aǵzaları iyeledi.

Tańlawda Qaraqalpaqstan Respublikasınıń aymaqlıq basqıshına jollama alǵan 16-sanlı mektep sárdarların qutlıqlaymız hám tabıslar tileymiz!