Búgin Nawayı kánshilik institutınıń Nókis filialında «Men bir dawısqa iyemen!» atamasında seminar – trening ótkerildi.
Seminardıń tıykarǵı maqseti huqıqıy demokratiyalıq mámleket qurıw jolında saylawdıń hár bir puqara ushın áhmiyetli ekenligin úgit-násiyatlaw, olarǵa tiyisli jol – jorıq kórsetiw bolıp tabıladı.
Seminar – treningdi Jaslar menen islesiw, ruwxıylıq hám aǵartıwshılıq bólimi baslıǵı N.Qıdırnıyazov, «Qaraqalpaqstan hawazı » gazetasınıń bas redaktorı M.Qutılmuratov hám Taqiyatas rayonı ádillik bólimi bas qánigesi B.Ikmetullaev alıp bardı.
Seminar student jaslar arasında ótkerildi hám interaktiv metodlarda alıp barılıp , qatnasıwshılarǵa hár bir dawıstıń áhmiyeti kúshli ekenligin , jaslardıń puqaralıq poziciyasın qorǵawǵa belsendiligin kúsheytiw kerekligi haqqında qánigeler tárepinen maǵlıwmatlar berildi.
Seminar sońında studentler ózleri qızıqtırǵan sorawlarǵa juwaplar aldı.