Qońırat rayonı hákiminiń 2021-jıl 13-dekabr kúngi rayon aymaǵınan aeroport qurıw ushın jer maydanın ajıratıp beriw haqqındaǵı múrájatına Qurılıs ministrligi hám basqa juwapker shólkemlerdiń unamlı juwmaqları alındı. Bul haqqında rayon hákimligi málimleme xızmeti xabar berdi.

Usı tiykarda rayonda zamanagóy aeroport qurıw haqqında Qaraqalpaqstan Respublikası Ministrler Keńesiniń qararı qabıl etilgen.

Qararǵa muwapıq, Qońırat rayonı aymaǵınan aeroport qurılısı ushın 256 gektar jer maydanı ajıratıldı. Qurılısı jobalastırılǵan aeroportta samolyotlar hám jolawshılar ushın barlıq qolaylıqlar jaratıladı.

Aeroport aymaǵında ushıw maydanshası, kútiw zalı, awqatlanıw shaqapshası, sawda hám dem alıw orınları qurıladı.

QXA