– Bárshege málim, búgingi kúnde jaslar sociallıq tarmaqlardan kúndelikli turmısta tınımsız paydalanadı. Tek ǵana jaslar emes, jası úlkenler, qullası xalıqtıń barlıq qatlamları social tarmaqlarda belsendi. Durıs, zaman menen teń qádem qoyıp, jańa ásirde innovaciyalarǵa umtılıw jaslarǵa tán. Biraq, onnan maqsetli hám durıs paydalana biliw hár bir sanalı insanǵa tán, – deydi A.Daniyarov.

Ushırasıwda telegram, instagram, feysbuk sıyaqlı sociallıq tarmaqlar hám olardan aqılǵa muwapıq paydalana biliw, sonday-aq volontyor jaslardıń bul boyınsha úgit-násiyat ilajların shólkemlestiriw boyınsha usınıslar bildirildi. Bunday úgit-násiyat ilajları respublikamızdıń barlıq aymaqlarındaǵı mektep oqıwshılarınan baslap, máhállelerdegi jámlespegen jaslar arasında da shólkemlestiriliwi rejelestirilmekte.