Qaraqalpaqstanda jaslardı shet tillerine oqıtıw, kásipke tayarlaw hám sırt elde nızamlı jumısqa jaylastırıw boyınsha úsh tárepleme memorandumǵa qol qoyıldı
Qaraqalpaqstanda jaslardı shet tillerine oqıtıw, kásipke tayarlaw hám sırt elde nızamlı jumısqa jaylastırıw boyınsha úsh tárepleme memorandumǵa qol qoyıldı.
Nókis qalasında «2+6» baǵdarlaması sheńberinde jaslardıń bántligin támiyinlew hám qáwipsiz miynet migraciyasın támiyinlewge qaratılǵan úsh tárepleme Memorandumǵa qol qoyıldı. Hújjet Jaslar isleri agentligi Qaraqalpaqstan Respublikası basqarması, Migraciya agentligi hám Kásiplik bilimlendiriw agentliginiń Qaraqalpaqstan Respublikası aymaqlıq strukturaları arasında dúzilip, jaslardı «til — kásip — nızamlı jumıs» principi tiykarında qollap-quwatlawǵa qaratılǵan. Birge islesiw sheńberinde nemis, yapon hám koreys tilleri boyınsha kvotalardı keminde 1 500 ge (hár bir til boyınsha keminde 500 den) keńeytiw, birden-bir elektron dizim júrgiziw, oqıw orayları hám texnikumlardıń potencialınan paydalanıw, kásiplerge oqıtıw, sırt eldegi nızamlı baǵdarlamalar haqqında maǵlıwmat beriw hám nızamsız dáldalshılıqtıń aldın alıw názerde tutılǵan
