Shomanay rayonında jaslardıń til úyreniwleri ushın oqıw orayı joq edi. Endi shomanaylı jaslardıń til úyreniwi ushın imkaniyatları keńeyedi. Sebebi, jańadan ashılǵan Jaslar orayı imaratında oqıw orayları jumıs baslaydı. Jańa jıl qarsańında, shomanaylı jaslar ushın Prezidentimizdiń sawǵası boldı.

Búgin, Shomanaylı jaslar ushın úlken bayram. Óytkeni, Prezidentimizdiń jańa jıl qarsańındaǵı sawǵası yaǵnıy «Jaslar orayı» imaratı saltanatlı túrde paydalanıwǵa tapsırıldı.

Saltanatlı ashılıw máresiminde Qaraqalpaqstan Respublikası jaslar isleri basqarması baslıǵı P.Maxsetbayev, rayon hákimi A.Ametovlar qatnasıp, rayon jasların qızǵın qutlıqladı.

Imaratta “Jaslar orayı” jumısın jolǵa qoyıw maqsetinde rekonstrukciyası ushın Qaraqalpaqstan Respublikası jergilikli byudjeti esabınan 853,4 mln. sum, úskenelew ushın Jaslar isleri agentligi esabınan 361,0 mln. sum qarjı ajıratıldı.

Oraydıń 1-qabatında “New Action” oqıw orayı, 2-qabatta Jaslar kitapxanası, konferenciya zalı, Shomanay rayonı Jaslar isleri bólimi jaylasqan bolıp, “New Action” oqıw orayında IT hám robototexnika, mental arifmetika, inglis hám rus tillerine jaslardı keńnen qamtıw rejelestirilmekte.