Jaslar isleri agentligi direktorı “Mutolaa” baǵdarı sárdarı Íqlasbekke planshet sawǵa etti Ózbekstan balalar shólkemi Qaraqalpaqstan Respublikası bólimi “Balalar háreketi” “Mutolaa” baǵdarı sárdarı Íqlasbek Beknazarov házirde balalar arasında kitapqumarlıq mádeniyatın qáliplestiriw hám kóbirek kitap oqıwǵa tartıw maqsetinde “Book battle” joybarına tiykar salǵan, jaqında ǵana shańaraqlıq kitapqumarlıqtı jolǵa qoyıw maqsetinde óz baslaması menen “15 kún – bir shańaraq – bir kitap” chellenjin de baslap bergen. Sonday-aq, Taqıyatas rayonı hákimligi tárepinen qurılǵan máhálle kitapxanasınıń gilti Íqlasbek hám rayon sárdarlarına isenip tapsırılǵan. Íqlasbektiń kitapqumarlıq baǵdarındaǵı belsendiligin kórgen agentlik direktorı onı planshet penen sıylıqladı hám oqıwlarında, sárdarlıq iskerliginde áwmet tiledi. Arnawlı sawǵa ishshi topar tárepinen óz iyesine tapsırıldı.