Búgin Ózbekstan jaslar jetekshilerin qollap-quwatlaw orayı Qaraqalpaqstan Respublikası koordinatorı Nursultan Nurniyazov tárepinen jańa jumıs iskerligin baslaǵan jaslar jetekshileri ushın oqıw-seminar ótkerildi. Seminar dástúriy (oflayn) formatta shólkemlestirilip, onda qatnasıwshılarǵa Jaslar isleri agentligi tárepinen ámelge asırılıp atırǵan “Ustoz AI,” “UzChess,” “Qızlar akademiyası,” “Mutolaa” hám “Ibrat” mega joybarlarınıń mazmun-mánisi, maqset hám wazıypaları tolıq túsindirildi. Seminar dawamında jaslar jetekshileriniń kúndelikli jumısında áhmiyetli orın iyeleytuǵın hújjetlerdi júrgiziw tártibi, nomenklatura jumısları, rásmiy hújjetlerdi durıs rásmiylestiriw, “Jaslar dápteri” menen islesiw mexanizmleri hám bul baǵdardaǵı túsinbewshilikler hár tárepleme úyretildi. Sonday-aq, máhállelerde nátiyjeli joybarlardı islep shıǵıw hám ámelge asırıw, startap baslamaların qollap-quwatlaw, kiyiniw mádeniyatı hám xızmet etikası, kitapqumarlıq mádeniyatın rawajlandırıwǵa qaratılǵan joybarlardı shólkemlestiriw boyınsha ámeliy usınıslar hámde zárúr metodikalıq kórsetpeler berildi.