Xabarıńız bar, usı jıldıń 18-27-fevral kúnleri “Qosıqqa aylanǵan taǵdir” atamasında videochellendjler tańlawı ótkerilgen edi. Tańlawǵa 10 jastan 18 jasqa shekemgi 100 den aslam jas qatnastı hám shólkemlestiriwshiler tárepinen eń jaqsı tayarlanǵan, sonday-aq Hamid Olimjon hám Zulfiya Isroilova dóretiwshiligin sheberlik penen atqarǵan belsendi jaslar anıqlandı. Nókis qalası “Jaslar orayı”nda eń jaqsı dep tabılǵan hám sapalı videochellendj tayarlaǵan 18 qatnasıwshıǵa qáwenderimiz tárepinen bahalı sawǵalar tapsırıldi. Tańlaw nátiyjesine kóre: 🏅1-orın Diana Taǵabergenova Ibrayim Yusupov atındaǵı dóretiwshilik mektebi oqıwshısı; 🏅2-orın Qiyas Erejepbaev Shomanay rayonı 15-sanlı mektep oqıwshısı; 🏅3-orın Balnur Madreyomova Qońırat rayonı 12-sanlı mektep oqıwshısı; 🏅4-orın Mashhura Yuldasheva QMU janındaǵı akademiyalıq licey oqıwshısı iyeledi, jáne de 14 nominaciya iyeleri anıqlandı. Bizge video jollaǵan barlıq qatnasıwshılarǵa minnetdarshılıq bildiremiz. Tez kúnde jáne bir úlken jańalıqtı járiyalaymız.