Tashkent wálayatında “Bes baslama olimpiadası” sheńberinde sporttıń stol tennisi túri boyınsha Ózbekstan Respublikası basqıshı bolıp ótti. Jarıs “B” hám “C” liga baǵdarlarında, 16-21, 22-26 hám 27-30 jas aralıǵındaǵı ul-qızlar arasında shólkemlestirildi. Onda Qaraqalpaqstanlı sportshılar da belsene qatnasıp, joqarı nátiyjelerge eristi. “B” ligası boyınsha jeńimpazlar: 16-21 jas aralıǵındaǵı er balalar arasında – Abdulaziz Nazrbaev (1-orın) 22-26 jaslı qızlar arasında – Madina Shamurodova (1-orın) 22-26 jaslı ul balalar arasında – Sherzod Yo’ldoshev (1-orın) “C” ligası boyınsha jeńimpazlar: 22-26 jaslı qızlar arasında – Yulduz Xudoyberganova (1-orın) 27-30 jastaǵı qızlar arasında – Go’zal Abdullaeva (3-orın) Usı tárizde Qaraqalpaqstanlı sportshılar jarıstan 4 altın hám 1 qola medal menen qayttı. Jeńimpaz sportshılarımız búgin azanda saltanatlı túrde kútip alındı. Olardıń miyneti hám tabısları sport ıqlasbentleri jáne elimiz jasları ushın úlken motivaciya boldı. Sportshılarımızdı erisken jetiskenlikleri menen qutlıqlaymız!