{"id":507,"date":"2022-03-08T12:24:24","date_gmt":"2022-03-08T09:24:24","guid":{"rendered":"https:\/\/jaslarnews.uznews.uz\/?p=507"},"modified":"2022-03-08T12:24:24","modified_gmt":"2022-03-08T09:24:24","slug":"eski-jazba-dareklerdi-saqlaw-ham-izertlew-sistemasin-jetilistiriwge-baylanisli-qosimsha-ilajlar-haqqinda","status":"publish","type":"post","link":"https:\/\/jaslarnews.uz\/uz\/507.html","title":{"rendered":"Eski jazba d\u00e1reklerdi saqlaw h\u00e1m izertlew sistemas\u0131n jetilistiriwge baylan\u0131sl\u0131 qos\u0131msha ilajlar haqq\u0131nda"},"content":{"rendered":"<p><strong>\u00d3zbekstan Respublikas\u0131 Prezidentini\u0144 qarar\u0131<\/strong><\/p>\n<p>&nbsp;<\/p>\n<p>Keyingi j\u0131llarda m\u00e1mleketimizde \u00d3zbekstanda\u01f5\u0131 Islam civilizaciyas\u0131 oray\u0131, Imam Buxariy, Imam Termiziy, Imam Maturidiy xal\u0131qaral\u0131q ilimiy-izertlew oraylar\u0131 h\u00e1m \u00d3zbekstan xal\u0131qaral\u0131q islam akademiyas\u0131 jum\u0131s\u0131n\u0131\u0144 sh\u00f3lkemlestiriliwi \u00f3zbek jerinde tuw\u0131l\u0131p, ilimiy jum\u0131s al\u0131p bar\u01f5an ull\u0131 al\u0131m h\u00e1m oysh\u0131llard\u0131\u0144 miyras\u0131n ilimiy izertlew h\u00e1m on\u0131\u0144 n\u00e1tiyjelerinen \u00e1meliy paydalan\u0131w procesinde ja\u0144a basq\u0131sht\u0131 baslap berdi.<\/p>\n<p>&nbsp;<\/p>\n<p>Ja\u0144a \u00d3zbekstan rawajlan\u0131w\u0131n\u0131\u0144 b\u00fagingi basq\u0131sh\u0131nda ull\u0131 al\u0131m h\u00e1m oysh\u0131llar\u0131m\u0131zd\u0131\u0144 k\u00f3plegen biybaha sh\u0131\u01f5armalar\u0131n, siyrek ush\u0131rasatu\u01f5\u0131n jazba d\u00e1reklerin saqlaw, \u00fayreniw h\u00e1m keleshek \u00e1wladqa biynuqsan jetkeriw ba\u01f5dar\u0131nda\u01f5\u0131 jum\u0131slard\u0131 bunnan b\u0131lay da jedellestiriw ayr\u0131qsha \u00e1hmiyetke iye bol\u0131p esaplanad\u0131.<\/p>\n<p>&nbsp;<\/p>\n<p>Xalq\u0131m\u0131zd\u0131\u0144 biybaha m\u00falki esaplan\u01f5an siyrek ush\u0131rasatu\u01f5\u0131n jazba h\u00e1m tasbaspa miyras\u0131n saqlaw h\u00e1m izertlew sistemas\u0131n bunnan b\u0131lay da jetilistiriw h\u00e1m bul processke sanl\u0131 texnologiyalard\u0131 ke\u0144nen engiziw maqsetinde:<\/p>\n<p>&nbsp;<\/p>\n<p>\u00d3zbekstan Respublikas\u0131 Prezidentini\u0144 2021-j\u0131l 16-iyuldegi \u00ab\u00d3zbekstan Respublikas\u0131 Ministrler Kabineti jan\u0131nda\u01f5\u0131 \u00d3zbekstanda\u01f5\u0131 Islam civilizaciyas\u0131 oray\u0131n\u0131\u0144 jum\u0131s\u0131n bunnan b\u0131lay da jetilistiriwge baylan\u0131sl\u0131 qos\u0131msha ilajlar haqq\u0131nda\u00bb\u01f5\u0131 PQ-5168-sanl\u0131 qarar\u0131na muwap\u0131q Ministrler Kabineti jan\u0131nda\u01f5\u0131 \u00d3zbekstanda\u01f5\u0131 Islam civilizaciyas\u0131 oray\u0131, Ilimler akademiyas\u0131 Abu Rayxan Beruniy at\u0131nda\u01f5\u0131 Sh\u0131\u01f5\u0131stan\u0131w institut\u0131 eski jazba d\u00e1reklerdi oraylasqan halda saqlaw, izertlew, olard\u0131\u0144 ja\u01f5day\u0131n turaql\u0131 monitoring etiw boy\u0131nsha juwapker m\u00e1mleketlik m\u00e1kemeler etip belgilengeni ma\u01f5l\u0131wmat ush\u0131n qab\u0131l etilsin.<\/p>\n<p>Ministrler Kabineti jan\u0131nda\u01f5\u0131 \u00d3zbekstanda\u01f5\u0131 Islam civilizaciyas\u0131 oray\u0131 (keyingi or\u0131nlarda \u2013 Oray), Ilimler akademiyas\u0131 Abu Rayxan Beruniy at\u0131nda\u01f5\u0131 Sh\u0131\u01f5\u0131stan\u0131w institut\u0131 (keyingi or\u0131nlarda \u2013 Sh\u0131\u01f5\u0131stan\u0131w institut\u0131 h\u00e1m \u00c1liysher Naway\u0131 at\u0131nda\u01f5\u0131 \u00d3zbekstan Milliy kitapxanas\u0131n\u0131\u0144 (keyingi or\u0131nlarda \u2013 Milliy kitapxana) j\u00e1miyetshilik ush\u0131n ash\u0131q bol\u01f5an Eski jazba d\u00e1rekler m\u00e1mleketlik reestrin (keyingi or\u0131nlarda \u2013 M\u00e1mleketlik reestri) q\u00e1liplestiriw h\u00e1m m\u00e1mleket qarama\u01f5\u0131nda\u01f5\u0131 muzeyler, kitapxanalar h\u00e1m arxiv fonlard\u0131\u0144 jum\u0131s\u0131na integraciyalaw haqq\u0131nda\u01f5\u0131 us\u0131n\u0131s\u0131 maqullans\u0131n.<\/p>\n<p>Oray M\u00e1mleketlik reestrdi q\u00e1liplestiriw h\u00e1m j\u00fargiziw, sonday-aq, eski jazba d\u00e1reklerin basq\u0131shpa-basq\u0131sh sanlast\u0131r\u0131w ush\u0131n juwapker m\u00e1mleketlik m\u00e1keme etip belgilensin.<\/p>\n<p>&nbsp;<\/p>\n<p>Sonday t\u00e1rtip ornat\u0131ls\u0131n, o\u01f5an muwap\u0131q Oray:<\/p>\n<p>respublika ayma\u01f5\u0131nda\u01f5\u0131 barl\u0131q muzeyler, kitapxanalar h\u00e1m arxiv fonlar\u0131nda saqlan\u0131p at\u0131r\u01f5an eski jazba d\u00e1reklerdi\u0144 m\u00e1mleketlik reestrin d\u00fazedi h\u00e1m turaql\u0131 monitoringin j\u00fargizedi;<\/p>\n<p>&nbsp;<\/p>\n<p>M\u00e1mleketlik reestr tiykar\u0131nda eski jazba d\u00e1reklerdi\u0144 t\u00farleri boy\u0131nsha (qoljazba, tasbaspa d\u00e1rekler, tariyx\u0131y h\u00fajjetler) kataloglar\u0131 h\u00e1m elektron nusqalar\u0131n jaratad\u0131, olard\u0131 Eski jazba d\u00e1rekler m\u00e1mleketlik reestrin j\u00fargiziw boy\u0131nsha birden-bir m\u00e1limleme sistemas\u0131na kirgiziw h\u00e1m turaql\u0131 tol\u0131qt\u0131r\u0131p bar\u0131w ilajlar\u0131n k\u00f3redi;<\/p>\n<p>&nbsp;<\/p>\n<p>Oray h\u00e1m Sh\u0131\u01f5\u0131stan\u0131w institut\u0131nda oraylasqan halda saqlanatu\u01f5\u0131n h\u00e1m M\u00e1mleketlik reestrge kirgizilgen eski jazba d\u00e1reklerdi\u0144 ja\u01f5day\u0131, turaql\u0131 monitoringi h\u00e1m izertleniwini\u0144 n\u00e1tiyjeleri haqq\u0131nda\u01f5\u0131 ma\u01f5l\u0131wmatlard\u0131\u0144 turaql\u0131 t\u00farde arnawl\u0131 portallar h\u00e1m \u01f5alaba xabar qurallar\u0131nda j\u00e1riyalan\u0131w\u0131n t\u00e1miyinleydi;<\/p>\n<p>&nbsp;<\/p>\n<p>\u00d3zbekstan xal\u0131qaral\u0131q islam akademiyas\u0131 h\u00e1m Kamaliddin Behzad at\u0131nda\u01f5\u0131 Milliy s\u00fawretshilik h\u00e1m dizayn institut\u0131 menen birgelikte eski jazba d\u00e1reklerdi\u0144 konservaciyas\u0131 h\u00e1m restavraciyas\u0131 menen shu\u01f5\u0131llan\u0131p at\u0131r\u01f5an taraw x\u0131zmetkerlerini\u0144 turaql\u0131 t\u00farde k\u00e1siplik potencial\u0131 h\u00e1m mamanl\u0131\u01f5\u0131n artt\u0131r\u0131w, sonday-aq, taraw ush\u0131n jetik maman kadrlard\u0131 tayarlaw boy\u0131nsha ilajlard\u0131 \u00e1melge as\u0131rad\u0131.<\/p>\n<p>&nbsp;<\/p>\n<p>Oray:<\/p>\n<ol>\n<li>a) bir ay m\u00faddette Turizm h\u00e1m sport ministrligi, M\u00e1limleme texnologiyalar\u0131 h\u00e1m kommunikaciyalar\u0131n rawajland\u0131r\u0131w ministrligi, Innovaciyal\u0131q rawajlan\u0131w ministrligi, Ilimler akademiyas\u0131 h\u00e1m \u00ab\u00d3zarxiv\u00bb agentligi menen birgelikte Eski jazba d\u00e1reklerdi\u0144 m\u00e1mleketlik reestrin j\u00fargiziw boy\u0131nsha birden-bir m\u00e1limleme sistemas\u0131n (keyingi or\u0131nlarda \u2013 birden-bir m\u00e1limleme sistemas\u0131) jarat\u0131w koncepciyas\u0131 h\u00e1m texnikal\u0131q taps\u0131rma joybar\u0131n islep sh\u0131qs\u0131n h\u00e1m joybar texnikal\u0131q h\u00fajjetlerdi\u0144 belgilengen t\u00e1rtipte eksertizadan \u00f3tkeriliwin t\u00e1miyinlesin;<\/li>\n<\/ol>\n<p>&nbsp;<\/p>\n<ol>\n<li>b) eki ay m\u00faddette:<\/li>\n<\/ol>\n<p>&nbsp;<\/p>\n<p>Sh\u0131\u01f5\u0131stan\u0131w institut\u0131, Imam Buxariy xal\u0131qaral\u0131q ilimiy-izertlew oray\u0131, M\u00e1deniy miyras agentligi h\u00e1m \u00ab\u00d3zarxiv\u00bb agentligi menen birgelikte Eski jazba d\u00e1reklerdi\u0144 m\u00e1mleketlik reestri haqq\u0131nda\u01f5\u0131 rejeni islep sh\u0131qs\u0131n h\u00e1m tast\u0131y\u0131qlaw ush\u0131n belgilengen t\u00e1rtipte Ministrler Kabinetine kirgizsin;<\/p>\n<p>&nbsp;<\/p>\n<p>respublika ayma\u01f5\u0131nda\u01f5\u0131 muzeyler, kitapxanalar, arxiv fondlar\u0131 h\u00e1m basqa da m\u00e1kemelerde saqlan\u0131p at\u0131r\u01f5an eski jazba d\u00e1reklerdi\u0144 ilimiy aktuall\u0131\u01f5\u0131 h\u00e1m \u00e1hmiyetliligine qarap, olard\u0131 awdar\u0131w h\u00e1m izertlew kestesin islep sh\u0131\u01f5\u0131p, tast\u0131y\u0131qlas\u0131n h\u00e1m xal\u0131qsh\u0131l tilde basq\u0131shpa-basq\u0131sh bas\u0131p sh\u0131\u01f5ar\u0131l\u0131w\u0131n jol\u01f5a qoys\u0131n.<\/p>\n<p>&nbsp;<\/p>\n<p>Ministrler Kabineti Oray menen birgelikte:<\/p>\n<p>eki ay m\u00faddette m\u00e1mleket qarama\u01f5\u0131nda\u01f5\u0131 muzeyler, kitapxanalar, arxiv fondlar\u0131 h\u00e1m basqa da m\u00e1kemelerde saqlan\u0131p at\u0131r\u01f5an eski jazba d\u00e1reklerdi Oray qarama\u01f5\u0131na \u00f3tkeriw boy\u0131nsha rejeni tast\u0131y\u0131qlap, basq\u0131shpa-basq\u0131sh \u00e1melge as\u0131rs\u0131n;<\/p>\n<p>&nbsp;<\/p>\n<p>Oray\u01f5a saqlaw h\u00e1m izertlew ush\u0131n al\u0131p kelingen eski jazba d\u00e1reklerini\u0144 tiyisli (aymaql\u0131q, uy\u0131ml\u0131q, jeke h\u00e1m basqa) t\u00e1nliginen kelip sh\u0131\u01f5\u0131p, \u00f3z ald\u0131na kollekciya hal\u0131nda qor\u01f5al\u0131w\u0131n t\u00e1miyinlesin;<\/p>\n<p>&nbsp;<\/p>\n<p>reje-grafik tiykar\u0131nda s\u0131rt m\u00e1mleketlerge ilimiy ekspediciyalar sh\u00f3lkemlestiriw arqal\u0131 xal\u0131qta h\u00e1m h\u00e1r q\u0131yl\u0131 fondlarda saqlan\u0131p at\u0131r\u01f5an elimizdi\u0144 al\u0131mlar\u0131 h\u00e1m oysh\u0131llar\u0131n\u0131\u0144 d\u00f3retiwshiligine tiyisli bol\u01f5an eski jazba d\u00e1reklerdi\u0144 kataloglar\u0131n h\u00e1m elektron nusqalar\u0131n an\u0131qlaw, Oray fond\u0131na al\u0131p keliw h\u00e1m ilimiy aylan\u0131sqa kirgiziw ilajlar\u0131n k\u00f3rsin;<\/p>\n<p>&nbsp;<\/p>\n<p>eki ay m\u00faddette fizikal\u0131q h\u00e1m yuridikal\u0131q t\u00e1replerden eski jazba d\u00e1reklerdi sat\u0131p al\u0131w, olard\u0131 m\u00e1mleket qarama\u01f5\u0131na taps\u0131r\u0131w mexanizmlerin islep sh\u0131qs\u0131n.<\/p>\n<p>&nbsp;<\/p>\n<p>Oray jan\u0131nda yuridikal\u0131q t\u00e1rep status\u0131na iye bolma\u01f5an Eski jazba d\u00e1reklerdi konservaciyalaw h\u00e1m restavraciyalaw laboratoriyas\u0131 (keyingi or\u0131nlarda \u2013 Laboratoriya) sh\u00f3lkemlestirilsin h\u00e1m Laboratoriya t\u00e1repinen \u00f3tkeriletu\u01f5\u0131n izertlew s\u0131naqlar\u0131n\u0131\u0144 tiykar\u01f5\u0131 ba\u01f5darlar\u0131 1-qos\u0131msha\u01f5a muwap\u0131q tast\u0131y\u0131qlans\u0131n.<\/p>\n<p>Laboratoriya respublika ayma\u01f5\u0131nda\u01f5\u0131 muzeyler, kitapxanalar h\u00e1m basqa da m\u00e1kemelerdi\u0144 arxiv fondlar\u0131nda, fizikal\u0131q h\u00e1m yuridikal\u0131q t\u00e1replerde saqlan\u0131p at\u0131r\u01f5an eski jazba d\u00e1reklerdi olard\u0131\u0144 buy\u0131rtpas\u0131 tiykar\u0131nda qayta islew jum\u0131slar\u0131n \u00e1melge as\u0131ratu\u01f5\u0131n\u0131;<\/p>\n<p>&nbsp;<\/p>\n<p>eski jazba d\u00e1reklerdi qayta islewden t\u00fasken qarj\u0131lar Oray h\u00e1m Laboratoriya jum\u0131s\u0131n rawajland\u0131r\u0131w\u01f5a jumsalatu\u01f5\u0131n\u0131;<\/p>\n<p>&nbsp;<\/p>\n<p>Laboratoriyan\u0131 sh\u00f3lkemlestiriw, z\u00e1r\u00far \u00e1sbap-\u00faskeneler, komplektlewshi materiallar menen t\u00e1miyinlew h\u00e1m olard\u0131 ornat\u0131w, sonday-aq, \u00f3z baslamas\u0131na bola Oray fond\u0131nda saqlan\u0131p at\u0131r\u01f5an eski jazba d\u00e1reklerdi qayta islewge baylan\u0131sl\u0131 q\u00e1rejetler Oray ush\u0131n M\u00e1mleketlik byudjetten aj\u0131rat\u0131l\u01f5an qarj\u0131lar she\u0144berinde, \u00d3zbekstanda\u01f5\u0131 Islam civilizaciyas\u0131 oray\u0131n rawajland\u0131r\u0131w qor\u0131 (keyingi or\u0131nlarda \u2013 Qor)n\u0131\u0144 qarj\u0131lar\u0131, xal\u0131qaral\u0131q finans institutlar\u0131 h\u00e1m sh\u00f3lkemlerdi\u0144 texnikal\u0131q j\u00e1rdem qarj\u0131lar\u0131 (grantlar) h\u00e1m n\u0131zamsh\u0131l\u0131q h\u00fajjetlerinde qada\u01f5an etilmegen basqa da d\u00e1rekler esab\u0131nan qarj\u0131land\u0131r\u0131latu\u01f5\u0131n\u0131;<\/p>\n<p>&nbsp;<\/p>\n<p>Laboratoriya jum\u0131s\u0131na jazba d\u00e1reklerdi konservaciyalaw h\u00e1m restavraciyalaw ba\u01f5dar\u0131nda jeterli d\u00e1rejedegi bilim h\u00e1m jum\u0131s t\u00e1jiriybesine iye bol\u01f5an maman q\u00e1nigeler Oray t\u00e1repinen Qord\u0131\u0144 esab\u0131nan puqaral\u0131q-huq\u0131q\u0131y sh\u00e1rtnamalar tiykar\u0131nda tart\u0131latu\u01f5\u0131n\u0131 belgilep qoy\u0131ls\u0131n.<\/p>\n<p>&nbsp;<\/p>\n<p>Laboratoriya Tashkent qalas\u0131, Abdulla Qadiriy k\u00f3shesi, 11-jay m\u00e1nzilindegi \u00d3zbekstan xal\u0131qaral\u0131q islam akademiyas\u0131 imarat\u0131na biypul paydalan\u0131w huq\u0131q\u0131 tiykar\u0131nda waqt\u0131nsha jaylast\u0131r\u0131ls\u0131n.<\/p>\n<p>&nbsp;<\/p>\n<p>Investiciyalar h\u00e1m s\u0131rtq\u0131 sawda ministrligi (B.Abidov, Sh.Vafaev) Laboratoriya jum\u0131s\u0131 ush\u0131n xal\u0131qaral\u0131q finans institutlar\u0131 h\u00e1m sh\u00f3lkemlerdi\u0144 texnikal\u0131q j\u00e1rdem qarj\u0131lar\u0131 (grantlar)n tart\u0131w\u01f5a j\u00e1rdemlessin.<\/p>\n<p>&nbsp;<\/p>\n<p>Joqar\u0131 h\u00e1m orta arnawl\u0131 bilimlendiriw ministrligi, Ekonomikal\u0131q rawajlan\u0131w h\u00e1m k\u00e1mba\u01f5all\u0131qt\u0131 q\u0131sqart\u0131w ministrligi, \u00d3zbekstan K\u00f3rkem \u00f3ner akademiyas\u0131:<\/p>\n<p>2022-2023-oq\u0131w j\u0131l\u0131nan baslap Kamaliddin Behzad at\u0131nda\u01f5\u0131 Milliy s\u00fawretshilik h\u00e1m dizayn institut\u0131nda \u00abEski jazba d\u00e1reklerdi konservaciyalaw h\u00e1m restavraciyalaw\u00bb t\u00e1lim ba\u01f5dar\u0131nda kadrlar tayarlawd\u0131 jol\u01f5a qoys\u0131n;<\/p>\n<p>&nbsp;<\/p>\n<p>Sh\u0131\u01f5\u0131stan\u0131w institut\u0131 h\u00e1m Oray menen birgelikte eki ay m\u00faddette respublikada\u01f5\u0131 ilimiy oraylar, muzeyler, kitapxanalar h\u00e1m basqa da m\u00e1kemelerdi\u0144 qoljazba fondlar\u0131nda\u01f5\u0131 ja\u01f5dayd\u0131 \u00fayrenip, d\u00e1rektan\u0131w-restavratorlar\u01f5a bol\u01f5an talapt\u0131 an\u0131qlas\u0131n h\u00e1m 2022-2023-oq\u0131w j\u0131l\u0131 ush\u0131n t\u00e1lim ba\u01f5dar\u0131na kvota aj\u0131rat\u0131w haqq\u0131nda Ministrler Kabinetine us\u0131n\u0131s kirgizsin.<\/p>\n<p>&nbsp;<\/p>\n<p>Joqar\u0131 h\u00e1m orta arnawl\u0131 bilimlendiriw ministrligi, Ministrler Kabineti jan\u0131nda\u01f5\u0131 Din isleri boy\u0131nsha komitet 2022-2023-oq\u0131w j\u0131l\u0131nan baslap Tashkent m\u00e1mleketlik sh\u0131\u01f5\u0131stan\u0131w universiteti, \u00c1liysher Naway\u0131 at\u0131nda\u01f5\u0131 Tashkent m\u00e1mleketlik \u00f3zbek tili h\u00e1m \u00e1debiyat\u0131 universiteti, Buxara m\u00e1mleketlik universiteti h\u00e1m \u00d3zbekstan xal\u0131qaral\u0131q islam akademiyas\u0131nda \u00abTekstologiya h\u00e1m \u00e1debiy d\u00e1rektan\u0131w\u00bb t\u00e1lim ba\u01f5dar\u0131 h\u00e1m q\u00e1nigeligi boy\u0131nsha bakalavriat h\u00e1m magistratura basq\u0131shlar\u0131 ush\u0131n z\u00e1r\u00far kvotalar turaql\u0131 aj\u0131rat\u0131p bar\u0131l\u0131w\u0131n t\u00e1miyinlesin.<\/p>\n<p>\u00abTekstologiya h\u00e1m \u00e1debiy d\u00e1rektan\u0131w\u00bb h\u00e1m \u00abFilologiya h\u00e1m tillerdi oq\u0131t\u0131w (klassikal\u0131q filologiya)\u00bb t\u00e1lim ba\u01f5darlar\u0131 h\u00e1m q\u00e1nigelikleri boy\u0131nsha studentlerdi\u0144 oq\u0131w procesi, \u00e1meliyat\u0131, diplom jum\u0131s\u0131 h\u00e1m magistrl\u0131q dissertaciyalard\u0131 qor\u01f5aw Sh\u0131\u01f5\u0131stan\u0131w institut\u0131, Oray, \u00c1liysher Naway\u0131 at\u0131nda\u01f5\u0131 M\u00e1mleketlik \u00e1debiyat muzeyi h\u00e1m basqa da qoljazba fondlar\u0131nda tarawd\u0131\u0144 jetik q\u00e1nigeleri h\u00e1m ilimpazlar\u0131n\u0131\u0144 qatnas\u0131w\u0131nda \u00f3tkeriletu\u01f5\u0131n\u0131;<\/p>\n<p>&nbsp;<\/p>\n<p>\u00d3zbekstan xal\u0131qaral\u0131q islam akademiyas\u0131 \u00abTekstologiya h\u00e1m \u00e1debiy d\u00e1rektan\u0131w\u00bb t\u00e1lim ba\u01f5dar\u0131 boy\u0131nsha tayan\u0131sh joqar\u0131 bilimlendiriw m\u00e1kemesi esaplanatu\u01f5\u0131n\u0131 belgilensin.<\/p>\n<p>&nbsp;<\/p>\n<p>Innovaciyal\u0131q rawajlan\u0131w ministrligi \u00fash ay m\u00faddette:<\/p>\n<p>Oray, Sh\u0131\u01f5\u0131stan\u0131w institut\u0131, \u00d3zbekstan xal\u0131qaral\u0131q islam akademiyas\u0131, Imam Buxariy xal\u0131qaral\u0131q ilimiy-izertlew oray\u0131 ush\u0131n eski jazba d\u00e1reklerdi \u00fayreniw boy\u0131nsha ilimiy-izertlew jum\u0131slar\u0131na m\u00e1mleketlik buy\u0131rtpa belgilengen t\u00e1rtipte q\u00e1liplestiriliwin;<\/p>\n<p>&nbsp;<\/p>\n<p>ilimiy jum\u0131sqa\u00a0 baylan\u0131sl\u0131 m\u00e1mleketlik ba\u01f5darlamalar she\u0144berinde or\u0131nlanatu\u01f5\u0131n maqsetli ilimiy joybarlar\u01f5a M\u00e1mleketlik byudjet qarj\u0131lar\u0131 esab\u0131nan qarj\u0131lard\u0131\u0144 aj\u0131rat\u0131l\u0131w\u0131n t\u00e1miyinlesin.<\/p>\n<p>&nbsp;<\/p>\n<p>Oray Sh\u0131\u01f5\u0131stan\u0131w institut\u0131, \u00d3zbekstan xal\u0131qaral\u0131q islam akademiyas\u0131, Imam Buxariy xal\u0131qaral\u0131q ilimiy-izertlew oray\u0131, \u00abEl-yurt umidi\u00bb qor\u0131, Innovaciyal\u0131q rawajlan\u0131w ministrligi menen birgelikte 2022-j\u0131ldan baslap qoljazbalard\u0131 saqlaw h\u00e1m izertlew menen shu\u01f5\u0131llanatu\u01f5\u0131n ilimiy x\u0131zmetker h\u00e1m restavratorlard\u0131\u0144 h\u00e1r j\u0131l\u0131 s\u0131rt elde \u00e1meliyat \u00f3tewin h\u00e1m stajirovkas\u0131n sh\u00f3lkemlestiriw ilajlar\u0131n k\u00f3rip bars\u0131n.<\/p>\n<p>Ilimiy x\u0131zmetker h\u00e1m restavratorlard\u0131\u0144 s\u0131rt elde \u00e1meliyat \u00f3tewi h\u00e1m stajirovkas\u0131 buy\u0131rtpash\u0131 sh\u00f3lkemler ush\u0131n M\u00e1mleketlik byudjetten aj\u0131rat\u0131latu\u01f5\u0131n qarj\u0131lar she\u0144berinde, sonday-aq, byudjetten t\u0131s qarj\u0131lar h\u00e1m n\u0131zamsh\u0131l\u0131q h\u00fajjetlerinde qada\u01f5an etilmegen basqa da d\u00e1reklerdi\u0144 esab\u0131nan sh\u00f3lkemlestiriletu\u01f5\u0131n\u0131 belgilep qoy\u0131ls\u0131n.<\/p>\n<p>&nbsp;<\/p>\n<p>Elimiz ayma\u01f5\u0131nda jasap \u00f3tken ull\u0131 al\u0131mlar menen oysh\u0131llard\u0131\u0144 ilimiy miyras\u0131n xal\u0131qt\u0131\u0144, \u00e1sirese, jaslard\u0131\u0144 aras\u0131nda buna b\u0131lay da \u01f5alaba en jayd\u0131r\u0131w, olar haqq\u0131nda\u01f5\u0131 ma\u01f5l\u0131wmatlard\u0131 zamanag\u00f3y us\u0131llar arqal\u0131 j\u00e1miyetshilikke jetkeriw, sonday-aq, us\u0131 ba\u01f5darda al\u0131p bar\u0131latu\u01f5\u0131n izertlewler ush\u0131n bunnan b\u0131lay da qolayl\u0131 imkaniyatlar jarat\u0131w maqsetinde Internet d\u00fanya j\u00fazilik m\u00e1limleme tarma\u01f5\u0131nda Elimiz al\u0131mlar\u0131 menen oysh\u0131llar\u0131n\u0131\u0144 turm\u0131s\u0131 j\u00e1ne m\u00e1deniy miyras\u0131 haqq\u0131nda\u01f5\u0131 ilimiy-a\u01f5art\u0131wsh\u0131l\u0131q portal (keyingi or\u0131nlarda \u2013 ilimiy-a\u01f5art\u0131wsh\u0131l\u0131q portal) h\u00e1m on\u0131\u0144 mobil qos\u0131mshas\u0131 iske t\u00fasirilsin.<\/p>\n<p>M\u00e1mleketlik reestrdi q\u00e1liplestiriw, ilimiy-a\u01f5art\u0131wsh\u0131l\u0131q portal h\u00e1m on\u0131\u0144 mobil qos\u0131mshas\u0131n iske t\u00fasiriw menen baylan\u0131sl\u0131 q\u00e1rejetler Oray ush\u0131n M\u00e1mleketlik byudjette n\u00e1zerde tut\u0131l\u01f5an maqsetli qarj\u0131lar j\u00e1ne keyin ala on\u0131 saqlaw h\u00e1m jum\u0131s\u0131n t\u00e1miyinlewge baylan\u0131sl\u0131 q\u00e1rejetler Qord\u0131\u0144 qarj\u0131lar\u0131 esab\u0131nan qaplanad\u0131.<\/p>\n<p>&nbsp;<\/p>\n<p>T\u00f3mendegiler:<\/p>\n<ol>\n<li>a) Oray Milliy kitapxana, Kinematografiya agentligi h\u00e1m M\u00e1limleme texnologiyalar\u0131 h\u00e1m kommunikaciyalar\u0131n rawajland\u0131r\u0131w ministrligi menen birgelikte eki ay m\u00faddette:<\/li>\n<\/ol>\n<p>&nbsp;<\/p>\n<p>ilimiy-a\u01f5art\u0131wsh\u0131l\u0131q portal\u0131n\u0131\u0144 iske t\u00fasiriliwin;<\/p>\n<p>&nbsp;<\/p>\n<p>ilimiy-a\u01f5art\u0131wsh\u0131l\u0131q portal\u01f5a ull\u0131 al\u0131m h\u00e1m oysh\u0131llard\u0131\u0144 \u00f3miri, ilimiy miyras\u0131 haqq\u0131nda\u01f5\u0131 ma\u01f5l\u0131wmatlar, olard\u0131\u0144 jum\u0131s\u0131na baylan\u0131sl\u0131 bas\u0131p sh\u0131\u01f5ar\u0131l\u01f5an kitaplard\u0131\u0144 elektron nusqalar\u0131, filmler j\u00e1ne jaslard\u0131\u0144 intellektuall\u0131q potencial\u0131n artt\u0131r\u0131w\u01f5a x\u0131zmet etetu\u01f5\u0131n basqa da t\u00fardegi ma\u01f5l\u0131wmatlard\u0131\u0144 jaylast\u0131r\u0131l\u0131w\u0131n;<\/p>\n<p>&nbsp;<\/p>\n<ol>\n<li>b) Jaslar isleri agentligi M\u00e1h\u00e1lle h\u00e1m sha\u0144araqt\u0131 qollap-quwatlaw ministrligi, Oray h\u00e1m Milliy kitapxana menen birgelikte eki ay m\u00faddette aymaqlarda jaslar jetekshileri t\u00e1repinen ull\u0131 al\u0131mlar menen oysh\u0131llard\u0131\u0144 turm\u0131s\u0131 j\u00e1ne ilimiy miyrast\u0131 jaslar aras\u0131nda ke\u0144 \u00fagit-n\u00e1siyatlaw h\u00e1m \u01f5alaba en jayd\u0131r\u0131w boy\u0131nsha m\u00e1h\u00e1lle kesiminde \u00abjol karta\u00bblar\u0131 islep sh\u0131\u01f5\u0131l\u0131w\u0131 h\u00e1m \u00e1melge as\u0131r\u0131l\u0131w\u0131n t\u00e1miyinlesin.<\/li>\n<\/ol>\n<p>&nbsp;<\/p>\n<p>Sh\u0131\u01f5\u0131stan\u0131w institut\u0131, Oray, \u00d3zbekstan xal\u0131qaral\u0131q islam akademiyas\u0131 YuNESKO, Bilimlendiriw, ilim h\u00e1m m\u00e1deniyat m\u00e1seleleri boy\u0131nsha Islam d\u00fanyas\u0131 sh\u00f3lkemi (ICESCO), Islam tariyx\u0131, m\u00e1deniyat\u0131 h\u00e1m k\u00f3rkem \u00f3nerin izertlew oray\u0131 (IRCICA) s\u0131yaql\u0131 ab\u0131rayl\u0131 xal\u0131qaral\u0131q sh\u00f3lkemler h\u00e1m ilimiy-izertlew m\u00e1kemeleri menen birgelikte d\u00e1st\u00fariy t\u00farde eski dereklerdi qor\u01f5aw h\u00e1m engiziwdi\u0144 \u00e1hmiyetli m\u00e1selelerine ba\u01f5\u0131shlan\u01f5an xal\u0131qaral\u0131q konferenciya sh\u00f3lkemlestirsin.<\/p>\n<p>Oray Ilimler akademiyas\u0131 h\u00e1m S\u0131rtq\u0131 isler ministrligi menen birgelikte 2022\u2013j\u0131ld\u0131\u0144 aq\u0131r\u0131na shekem Orayl\u0131q Aziya region\u0131 she\u0144berinde eski jazba d\u00e1reklerdi saqlaw h\u00e1m engiziw taraw\u0131nda qo\u0144s\u0131las m\u00e1mleketler menen birge islesiw baylan\u0131slar\u0131n jol\u01f5a qoy\u0131w boy\u0131nsha Ministrler Kabinetine us\u0131n\u0131slar kirgizsin.<\/p>\n<p>Oray h\u00e1m Ilimler akademiyas\u0131 Investiciyalar h\u00e1m s\u0131rtq\u0131 sawda ministrligi menen birgelikte eski jazba d\u00e1reklerdi saqlaw h\u00e1m izertlew taraw\u0131n bunnan b\u0131lay da rawajland\u0131r\u0131w maqsetinde Islam rawajlan\u0131w banki h\u00e1m basqa da qorlar, donor sh\u00f3lkemlerdi\u0144 biy\u01f5\u00e1rez qarj\u0131lar\u0131 h\u00e1m j\u00e1rdemlerin tart\u0131w ilajlar\u0131n k\u00f3rsin.<\/p>\n<p>\u00d3zbekstan Respublikas\u0131 Prezidentini\u0144 2021-j\u0131l 16-iyuldegi \u00ab\u00d3zbekstan Respublikas\u0131 Ministrler Kabineti jan\u0131nda\u01f5\u0131 \u00d3zbekstanda\u01f5\u0131 Islam civilizaciyas\u0131 oray\u0131n\u0131\u0144 jum\u0131s\u0131n bunnan b\u0131lay da jetilistiriwge baylan\u0131sl\u0131 qos\u0131msha ilajlar haqq\u0131nda\u00bb\u01f5\u0131 PQ-5186-sanl\u0131 qarar\u0131na 2-qos\u0131msha\u01f5a muwap\u0131q qos\u0131mshalar h\u00e1m \u00f3zgerisler kirgizilsin.<\/p>\n<p>Oray m\u00e1pdar ministrlikler h\u00e1m uy\u0131mlar menen birgelikte eki ay m\u00faddette n\u0131zam h\u00fajjetlerine us\u0131 qarardan kelip sh\u0131\u01f5atu\u01f5\u0131n \u00f3zegerisler h\u00e1m qos\u0131mshalar haqq\u0131nda Ministrler Kabinetine us\u0131n\u0131slar kirgizsin.<\/p>\n<p>Us\u0131 qarard\u0131\u0144 or\u0131nlan\u0131w\u0131n qada\u01f5alaw \u00d3zbekstan Respublikas\u0131 Bas ministri A.N.Aripovqa h\u00e1m \u00d3zbekstan Respublikas\u0131 Prezidentini\u0144 ke\u0144esg\u00f3yi M.M.Kamilovqa j\u00faklensin.<\/p>\n<p><strong>\u00d3zbekstan Respublikas\u0131<\/strong><\/p>\n<p><strong>\u00a0 \u00a0 \u00a0 \u00a0 \u00a0\u00a0Prezidenti\u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0Sh.MIRZIYoEV<\/strong><\/p>\n<p><strong>\u00a0<\/strong><\/p>\n<p><strong>Tashkent qalas\u0131,<\/strong><\/p>\n<p><strong>2022-j\u0131l 10-fevral<\/strong><\/p>\n<div class=\"gsp_post_data\" \r\n\t            data-post_type=\"post\" \r\n\t            data-cat=\"dagaza\" \r\n\t            data-modified=\"120\"\r\n\t            data-created=\"1646742264\"\r\n\t            data-title=\"Eski jazba d\u00e1reklerdi saqlaw h\u00e1m izertlew sistemas\u0131n jetilistiriwge baylan\u0131sl\u0131 qos\u0131msha ilajlar haqq\u0131nda\" \r\n\t            data-home=\"https:\/\/jaslarnews.uz\/uz\"><\/div>","protected":false},"excerpt":{"rendered":"<p>\u00d3zbekstan Respublikas\u0131 Prezidentini\u0144 qarar\u0131 &nbsp; Keyingi j\u0131llarda m\u00e1mleketimizde \u00d3zbekstanda\u01f5\u0131 Islam civilizaciyas\u0131 oray\u0131, Imam Buxariy, Imam Termiziy, Imam Maturidiy xal\u0131qaral\u0131q ilimiy-izertlew oraylar\u0131 h\u00e1m \u00d3zbekstan xal\u0131qaral\u0131q islam akademiyas\u0131 jum\u0131s\u0131n\u0131\u0144 sh\u00f3lkemlestiriliwi \u00f3zbek jerinde tuw\u0131l\u0131p, ilimiy jum\u0131s al\u0131p bar\u01f5an ull\u0131 al\u0131m h\u00e1m oysh\u0131llard\u0131\u0144 miyras\u0131n ilimiy izertlew h\u00e1m on\u0131\u0144 n\u00e1tiyjelerinen \u00e1meliy paydalan\u0131w procesinde ja\u0144a basq\u0131sht\u0131 baslap berdi. &nbsp; Ja\u0144a \u00d3zbekstan [&hellip;]<\/p>\n","protected":false},"author":1,"featured_media":495,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[32],"tags":[],"class_list":["post-507","post","type-post","status-publish","format-standard","has-post-thumbnail","hentry","category-dagaza"],"_links":{"self":[{"href":"https:\/\/jaslarnews.uz\/uz\/wp-json\/wp\/v2\/posts\/507","targetHints":{"allow":["GET"]}}],"collection":[{"href":"https:\/\/jaslarnews.uz\/uz\/wp-json\/wp\/v2\/posts"}],"about":[{"href":"https:\/\/jaslarnews.uz\/uz\/wp-json\/wp\/v2\/types\/post"}],"author":[{"embeddable":true,"href":"https:\/\/jaslarnews.uz\/uz\/wp-json\/wp\/v2\/users\/1"}],"replies":[{"embeddable":true,"href":"https:\/\/jaslarnews.uz\/uz\/wp-json\/wp\/v2\/comments?post=507"}],"version-history":[{"count":1,"href":"https:\/\/jaslarnews.uz\/uz\/wp-json\/wp\/v2\/posts\/507\/revisions"}],"predecessor-version":[{"id":508,"href":"https:\/\/jaslarnews.uz\/uz\/wp-json\/wp\/v2\/posts\/507\/revisions\/508"}],"wp:featuredmedia":[{"embeddable":true,"href":"https:\/\/jaslarnews.uz\/uz\/wp-json\/wp\/v2\/media\/495"}],"wp:attachment":[{"href":"https:\/\/jaslarnews.uz\/uz\/wp-json\/wp\/v2\/media?parent=507"}],"wp:term":[{"taxonomy":"category","embeddable":true,"href":"https:\/\/jaslarnews.uz\/uz\/wp-json\/wp\/v2\/categories?post=507"},{"taxonomy":"post_tag","embeddable":true,"href":"https:\/\/jaslarnews.uz\/uz\/wp-json\/wp\/v2\/tags?post=507"}],"curies":[{"name":"wp","href":"https:\/\/api.w.org\/{rel}","templated":true}]}}