Búgin, Nókis qalasındaǵı Jaslar orrayında Jaslar isleri agentligi qala hám rayonlıq bólimlerinde ilajlardı ǵalaba xabar qurallarında sáwlelendiriw ushın bekitilgen qánigeler hám Media oray reportyorları qatnasıwında seminar bolıp ótpekte.

Seminardı Jaslar orayında Jaslar isleri agentligi Qaraqalpaqstan Respublikası basqarması baslıǵı Ikram Abdikalikov kiris sóz benen ashıp, seminar áhmiyetine toqtalıp ótti.

Soń, Jaslar isleri agentligi Qaraqalpaqstan Respublikası basqarması Málimleme xızmetiniń baslıǵı I.Mambetnazarova Agentliktiń qala, rayonlıq bólimlerdiń telegram kanalları hám júritiliwi jaǵdayı, jaslar turmısınan videorolikler, respublika telegram kanalı hám rásmiy veb-saytta aymaqlardaǵı ilajlardıń sáwleleniwi boyınsha túsinikler berdi.

Sonday-aq, seminar qatnasıwshıları televideniede ilajlar sapalı jarıtılıwı, fotomateriallar tayarlaw, fotoapparatta kadr túsiriw (ámeliy), veb-saytqa materiallardı jaylastırıw hám gúzetiwshi aǵzalar ushın qızıqlı materiallardı tańlaw sıyaqlı kónlikpelerge iye bolmaqta.