«Shańaraq hám hayal-qızlardı sistemalı qollap-quwatlawǵa baylanıslı jumıslardı ele de jedellestiriw is-ilajları haqqında»ǵı prezident pármanı qabıl etildi.

Pármanǵa muwapıq, 2022-jıl 1-sentyabrden baslap byudjet shólkemlerinen basqa barlıq yuridikalıq shaxslarda sońǵı 6 ayda turaqlı jumıs stajı bolǵan hayallarǵa hár ay ushın minimal tutınıw qárejetleri muǵdarınan kelip shıǵıp byudjet esabınan júklilik hám tuwıw napaqası tólenedi.

2022-2023-oqıw jılınan:

● JOO, texnikum hám kolledjlerde, sırtqı hám keshki tálimde oqıp atırǵan hayal-qızlardıń kontraktlerin tólew ushın 7 jılǵa procentsiz kredit beriw maqsetinde banklerge byudjetten hár jılı 1,8 trillion sum baǵdarlanadı;

● mámleketlik JOOlarda magistraturada oqıp atırǵan barlıq hayal-qızlardıń kontrakt tólemleri tólep beriledi hám buǵan hár jılı keminde 200 milliard sum ajıratıladı ;

● shet el JOOlarǵa bakalavriat ushın – 50, magistratura ushın – 10 hayal-qızǵa hár jılı «El-jurt úmiti» qorı arqalı qosımsha grantlar ajıratıladı;

● hár jılı 2 100 sociallıq mútájligi bar shańaraq wákilleri, jetim yamasa ata-anasınıń qarawınan ayırılǵan student hayal-qızlardıń tálim kontraktleri jergilikli byudjetten tólep beriledi;

● qánigeligi boyınsha keminde 5 jıl miynet stajına iye, biraq joqarı maǵlıwmatqa iye bolmaǵan 500 hayal-qız hár jılı Shańaraq hám hayal-qızlar mámleketlik komitetiniń usınısnamasına tiykar mámleketlik ulıwma kvotadan tısqarı óz aldına test sınaqlarınıń nátiyjelerine muwapıq kontrakt tiykarında oqıwǵa qabıl etiledi;

● mámleketlik ilimiy shólkemler yamasa JOO doktoranturasına hayal-qızlar ushın hár jılı keminde 300 den maqsetli kvota ajıratıp barıladı.

Makan.uz