Jaslar aylıǵı shеńbеrindе “Jańa Ózbеkstan jasları, birlеsеyik!” súrеni astında Qanlıkól rayonınıń hár bir aymaǵında rayon hákimligi hám jaslar islеri agеntligi rayonlıq bólimi mеnеn birgеliktе bir qansha ilajlar dawam etpekte.

Atap aytqanda, «Sarı altın” APJ jasları mеnеn ótkеrilgеn ilajda rayon hákimi B.Sultanov, 3-sektor, rayonlıq IIB baslıǵı F.Urumbaev
Qanlıkól rayonı hákim orınbasarı R.Qalimbetov, Jaslar isleri agentligi rayonlıq bólimi, Qanlıkól rayonı Qorǵanıw isleri bólimi hám tiyisli taraw wákilleri qatnastı.

Sonday-aq, rayon hákimi sózge shıǵıp, mámleketimizde húrmetli Prezidentimiz tárepinen jaslardı hár tárepleme qollap-quwatlawǵa ayrıqsha itibar qaratılıp atırǵanlıǵın atap ótti hám búgingi jaslarımız áne sol úlken itibar hám ǵamqorlıqqa múnasip juwap qaytarıp, watanımızdıń rawajlanıwı ushın úlken úles qosatuǵın insanlar bolıp jetilisiwine tilekles ekenligin bildirdi.     

Sol menen birge, aymaq jaslarınıń jеtiskеnliklеrin joqarı bahalap aymaqta еlе dе islеniwi tiyis ilajlarǵa toqtaldı. Bunnan soń aymaq belsendi jaslarına rayon hákimliginıń húrmet jarlıqları tapsırıldı. Ilaj sheńberinde jiynalǵanlarǵa «Sarı altın» mádеniyat bóliminıń konsеrt baǵdarlaması hám Milliy gvardiya Qaraqalpaqstan Respublikalıq basqarmasınıń áskeriy kórgizbeli shıǵıwları menen dawam etti.