Nókis qalasında Ózbeksten Respublikası Prezidentiniń 2022-jıl 19-yanvardaǵı PQ-92-sanlı qararı, Ózbekstan Respublikası Prezidentiniń 2022-jıl 23-24-fevral kúnleri Qaraqalpaqstan Respublikasına saparı dawamında berilgen tapsırmalarıdıń orınlanıwın támiyinlew, atap aytqanda, mahállelerde jaslardı mádeniyat, kórkem -óner, sport, informaciyalıq texnologiyalar hám kitap oqıwǵa bolǵan qızıǵıwshılıǵın hár tárepleme qollap-quwatlaw, olardı ruwhıy barkamal etip tárbiyalawǵa qaratılǵan mádeniy-aǵartıwshılıq ilajlar ótkeriw, sociallıq belsendiligin asırıw maqsetinde «Bes baslama Nókis 2022» forumına start berildi.

Forumǵa Qaraqalpaqstan Respublikası Ministrler Keńesi baslıǵıniń orınbasarı A.Daniyarov, Qaraqalpaqstan Respublikası sporttı rawajlandırıw ministri R.Kazakov, Nókis qalası hákimi U.Panaev hám Jaslar isleri agentligi Qaraqalpaqstan Respublikası basqarması baslıǵı I.Abdikalikov sózge shıǵıp jaslarǵa sport jarıslarında tabıslar tiledi.