🖥MÁHÁLLE XABARLARÍ🖥
– 23-aprel kúni Shımbay rayonı Kókshi qala máhállesi XBB ne qaraslı 39-sanlı ulıwma orta bilim beriw mektebinde Xalıq bilimlendiriw bólimi psixolog-metodistleri hám mektep ámeliyatshı psixologları tárepinen «Perzentimiz keleshegine biypárwa bolmayıq» atamasında aksiya shólkemlestirildi. Aksiyada rayon mekteplerindegi texnologiya pán oqıtıwshılar hám talantlı, qábiletli, ónerli oqıwshılar óz qol miynetleri menen jaratqan kórgizbelerin usındı hám belsene qatnastı. Mádeniyat xızmetkerleri hám mektep oqıwshıları tárepinen konsert baģdarlaması inám etildi.
Sonday-aq, aksiya sheńberinde 9-11-klass oqıwshıları qatnasında túrli taraw kásip iyeleri menen ushırasıw bolıp ótti hám olar óz kásibi, islegen miynetleri, jetiskenlikleri, izleniwleri boyınsha oqıwshılarģa keńnen maģlıwmatlar berdi. Solay etip, aksiya júdá mazmunlı hám kóterińki ruwıhta ótkerildi. Bul aksiya-oqıwshılardıń kásip-óner tańlawģa bolģan qızıģıwshılıqları, meyillikleri, kásiplik bilimleriniń artıwında, mánawiy kúsh baģıshlawında álbette úlken tásir qaldırdı. Ilaj 150 ge jaqın oqıwshılar qatnasında bolıp ótti.
– Qara kól máhállesi jaslar jetekshisi tárepinen máhálledegi 8 jumıssız jasqa Taģ-jap APJ hám Tazģara APJ aymaqlarınan auksion arqalı diyqanshılıq ushın 10 jılģa ijaraģa jer alıwda járdem berildi hám búgingi kúnde diyqanshılıq jumısların baslap atır. Bul jaslardıń hár qaysısı 0.5 gektar jer maydanınan aldı. Endilikte jaslar ózin-ozi bánt etip shańaraģına hám basqalarģa paydasın tiygizbekte.
– Qamıs arıq awıl puqaralar jıyını aymaģındaģı 21-sanlı ulıwma bilim beriw mektebiniń oqıwshıları hám ustazları 24-aprel kúni «Xiywa» qalasına sayaxat shólkemlestirip tariyxiy orınlardı barıp kórip estelik ushın súwretke túsip úlken tásirler menen qayttı.