200 abiturient ushın Prezident grantı engizilgen

Mámleketlik joqarı bilimlendiriw mákemelerine kiriwde eń joqarı ball jıynaǵan 200 jas ushın Prezident grantı engizilgen.

Grantta jeńimpaz bolǵan studentlerge Prezident mámleketlik stipendiyası tayınlanadı hám tólenedi.

Onda studentke:

– Prezident grantı ushın belgilengen stipendiya ekinshi kurstıń oqıw jılı basınan ayma-ay tólenedi hám usı múnásibet penen oǵan ulıwma shártlerde belgilenetuǵın stipendiya tayınlanbaydı;

– oqıw semestriniń juwmaǵına bola keminde bir pánnen ózlestiriw kórsetkishi «joqarı» baha bolmaǵanda, Prezident grantınıń iyelerine kelesi oqıw semestri dawamında ulıwma tártipte belgilenetuǵın stipendiya tayınlanadı hám tólenedi;

– gezektegi oqıw semestriniń juwmaǵı boyınsha barlıq pánler boyınsha ózlestiriw kórsetkishi tek ǵana «joqarı» baha bolǵanda, Prezident grantı ushın belgilengen stipendiya qayta tayınlanadı hám tólep beriledi;

– oqıwdıń aqırına shekem Prezident grantın úzliksiz alǵan studentler bakalavriat tálim baǵdarına sáykes hám túrles qánigelik boyınsha magistraturaǵa kiriw imtixanlarısız qosımsha mámleketlik grant tiykarında studentlikke qabıl etiledi.

Qaraqalpaqstan xabar agentligi