🗣 Shımbay rayonındaǵı máhálleler jańalıǵı:

– Shimbay rayonındaģı Akamediyalıq liceyde sporttıń minifutbol túri «Mámleketlik qawipsizlik xizmeti kubogı»nıń 16-30 jas aralıģındaģı jaslar arasında qızģın dawam etpekte.

– Máhállelerde «Bes baslama olimpiadası» sheńberinde sport jarısları bolıp ótpekte.

– Qızıl ózek awıl puqaralar jıyını jaslar jetekshisi máhálledegi jaslardıń bos waqtın mazmunlı ótkeriw ushın aymaqta 12-aprel kúni konsert baģdarmalası bolıp ótti hám de konsert dawamında aymaq jasları hár túrli ayaq oyınların hám kúlki inám etiwshi házillerin tamashagóylerge jetkerip berdi. Bunnan 2 kún ótip jaslar jetekshisi sporttıń «Voleybol» túrin jaqsı shólkemlestirip hám 200 den artıq jastıń kúnin mazmunlı shólkemlestirdi.

– Kónshi MPJ jaslar jetekshisinen jáne bir jańalıq boldı. Bunda Qaraqalpaqstan awıl xojalıģı hám agrotexnologiyalar institutı Nókis filialina qaraslı Akademiyalıq liceyinde «QhZ» házilleri bolıp ótti. Licey oqıwshılarınan óz-ara doslıq retinde shólkemlestirilgen ilajda 4 komanda qatnastı hám bul QhZ 130 dan artıq jastı ózinde qamtıdı.

– 48-sanli mektepte «Kókshi qala» MPJ aymaqliq inspektori A.Pirimbetov, hákim járdemshisi R.Kalmuratov, máhálle jaslar jetekshisi Sh.Jiyenbaevlar menen ushırasıw shólkemlestirildi. Ushırasıwda «Jas óspirimlerdiń huquq hám erkinliklerin qorǵaw, huquqbuzarlıqtıń aldın alıw, náshebentlik-diniy ekstremizmge qarsı gúres alıp barıw» boyınsha úgit-násiyatlaw jumısları alıp barıldı.

– Abat mákán jaslar jetekshisi Q.Jánibekov aymaģındaģı jastıń múrájatın qanaatlandırıw maqsetinde Shımbay rayonı medicina birlespesi bas shıpakeri A.Tájimuratovqa xat jolladı. Onda tiykarınan «Abat mákan MPJ aymaģında jasawshı 1996-jılı tuwılģan shep qolınıń 3 barmaģın stanok jep ketiwi nátiyjesinde miynetke jaramsız bolıp qalģan puqara T.Ájimuratovtıń házirgi waqıttaģı den-sawlıģınıń jaģdayın tolıq túrde qaytadan medicinalıq kórikten ótkeriliwinde, medicina-ekspertiza nátiyjelerine qarap anıq mayıplıģı toparın anıqlastırıp beriwi» soralģan edi. Bul múrájatti medicina birlespesi bas shıpakeri óz qadaģalawına aldı hám nawqas emlewxanada kerekli medicinalıq kómek almaqta.