Erteń, 23-aprel kúni saat 17:00 de Nókis qalasındaǵı oraylıq amfiteatrda Ájiniyaz atındaǵı Nókis mámleketlik pedagogikalıq institutınıń «Turan» komandası shólkemlestirilgenine 25 jıl tolıwına arnalǵan «Turan 25 jasta» atamasında institut fakultetleri arasında «Quwnaqlar hám ziyrekler» festivalı bolıp ótedi.

🎤Festivalda komandalar sálemnama hám «Biz 25 jastamız» atamasındaǵı shártler tiykarında óz saxnalıq mádeniyatı hám ziyrekligin kórsetedi.

Festivalǵa respublikalıq «Quwnaqlar hám ziyrekler» tańlawınıń birneshe márte chempionı, «CHempionlar kubogı» jeńimpazı «Turan» komandasınıń veteran aǵzaları, estradamızdıń jarqın juldızları qatnasıwı jobalastırılǵan.

❗️Festivalǵa kiriw biypul.

✅Demek, bársheńizdi 23-aprel kúni oraylıq amfiteatrda saat 17:00 de «Turan 25 jasta» atamasındaǵı festivalda kútip qalamız!!!