Usı jılı Nawrız bayramı hár bir máhállede kóterińki ruxta bolıp ótpekte.

Nókis qalasınan 25 km uzaqlıqta jaylasqan Bestóbe elatında da bayram ilajları baslandı. Saltanatlı bayram ilajın máhálledegi 30-sanlı ulıwma bilim beriw mektebi direktorı A.Qosshanova ham «Bestóbe» MPJ baslıǵı T. Jumamuratov ashıp berdi hám olar óz sózinde jıynalǵanlardı bayram menen qızǵın qutlıqladı.

Usı mekteptiń 5-klass oqıwshısı Gúlsánem Ibadullaeva pán olimpiadasında 3-orındı iyelegenligi mektep jámááti ushın úlken jańalıq boldı. Mektep direktorı oǵan pán olimpiadasında orın alǵanlıǵı haqqındaǵı diplom hám medalın saltanatlı túrde tapsırdı.

Bunnan soń koncert baǵdarlaması baslandı.

Esletip ótemiz, aymaqta bayram múnásibeti menen qasharman, qoraz urıs, tas kóteriw sıyaqlı bir qatar xalıq milliy oyınları bolıp ótedi.