«Qanlıkól» awıl puqaralar jıyını hám «Jańa qala» awıl puqaralar jıyınında «Sektor hám jaslar» ushırasıwı ótkerildi. Ushırasıwda rayon hákimi A.Ibragimov hám rayon prokurorı A.Karimbaev, tiyisli mákeme, kárxana hám shólkemler, sonday-aq, jaslar qatnastı.

Ushırasıwda tiykarınan jumıssız jaslardıń bántligin támiyinlew, olardıń mashqalaların úyreniw, aymaq xalqınıń turmıs dárejesin hám xızmet kórsetiw tarawlarınıń jumısların jaqsılaw maqsetinde múrájatlar tıńlandı.

Bul ushırasıwda jaslar tárepinen jámi 15 múrájat kelip tústi. Olardan 2 múrájat ornında sheshildi, 8 múrájat boyınsha túsinik jumısları alıp barıldı. 5 múrájattı belgilengen múddetlerde qanaatlandırıw boyınsha taraw basshılarına tapsırmalar berildi.