Moynaq kásip-óner mektebiniń bos turǵan xanalarınan paydalanǵan halda bes qánigelik boyınsha mono oray shólkemlestirildi.

Imarat tiykarınan Birlesken milletler shólkeminiń Rawajlandırıw baǵdarlaması qáwenderliginde zamanagóy, eń sońǵı texnologiyadaǵı kerekli úskeneler menen támiynlendi.

Oraydı shólkemlestiriwden maqset, rayondaǵı jumıssız jaslar hám puqaralardı kásip-ónerge úyretiw, diplom, sertifikatqa iye bolıw hám keleshekte óziniń bántligin támiyinlewden ibarat.

Mono orayda oqıw biypul bolıp, bul jerde oqıwshılar tigiwshilik, kompyuter texnikası operatorı, aspazlıq, shashtárez hám santexnika qánigeleri boyınsha bilim hám tájiriybesin jetilistiredi.

Bárshe Moynaq jasların jańadan ashılǵan «Mono orayı»mızda kútip qalamız!