Xabarıńız bar, kúni keshe 28-iyun kúni Aymuratov Musa Tatlımurat ulı «Mard oʻgʻlon» mámleketlik sıylıǵı menen sıylıqlandı.

Aymuratov Musa házirde Qaraqalpaq mámleketlik universitetiniń 2-kurs studenti. Ol jas bolıwına qaramastan «Mard óǵlon» mámleketlik sıylıǵınıń laureatı boldı. Ol búgingi kúnge shekem:

➖ 2017-jıl sporttıń qılıshpazlıq túri boyınsha Ózbekstan milliy saylandı komanda aǵzası.

➖ 2023-jıl 3-5-fevral kúnleri sporttıń qılıshpazlıq túri boyınsha Bolgariya mámleketiniń Plovdiv qalasında ótkerilgen Jáhán kubogida 2-orındı (gúmis medalı) iyelegen;

➖ 2023-jıl 17-22-iyun kúnleri sporttıń qılıshpazlıq túri boyınsha Qıtay mámleketiniń Uxi qalasında ótkerilgen Aziya chempionatında belsendi qatnasqanı ushın diplom menen sıylıqlanǵan;

➖ 2024-jıl 21-fevral kúni sporttıń qılıshpazlıq túri boyınsha Bahrayn mámleketiniń Manama qalasında ótkerilgen Aziya chempionatında 1-orındı iyelegen.

M. Aymuratov sporttıń qılıshpazlıq túri menen shuǵıllanıp mámleketimizde jaslarǵa jaratılǵan imkanıyatlardan nátiyjeli paydalanıp, respublika hám jáhán kóleminde ótkerilip atırǵan jarıslarda joqarı nátiyjelerge erisip kelmekte.