Qaraqalpaqstan Respublikasında jaslardıń bántligin támiyinlew, olardıń bos waqıtların mazmunlı shólkemlestiriw, ministrlik hám mákeme basshılarına biriktirilgen «awır» kategoriyadaǵı jaslar menen ámelge asırılıp atırǵan jumıslardıń jaǵdayın úyreniw boyınsha arnawlı jumısshı topar shólkemlestirildi.

Jumıshshı topar quramı aǵzaları eń dáslep Taxtakópir rayonına barıp, usı jıldıń 28-iyun kúngi Prezidentimizdiń videoselektor májilisinde sóz etilgen tapsırmalardıń orınlanıwın támiyinlew, bar kemshiliklerdi anıqlaw hám saplastırıw maqsetinde rayonda úyreniw jumısların alıp bardı.

Jumısshı topar aǵzaları, tiykarınan:

• Tiyisli Prezident qararlarınıń orınlanıwı;
• huqıqbuzarlıq islewge beyimligi bolǵan jaslar menen sistemalı islesiw;
• jumıssız jaslar hám mektep pitkeriwshileriniń bántligine járdemlesiw, sonıń ishinde, «Jaslar bántligi baǵdarlaması»n máhállede ámelge asırıw;
• sırt eldegi jaslar menen islesiw hám olardı qollap-quwatlaw jáne Watanǵa qaytıp jumıs alıp barıwı ushın «máhálle jetiligi» menen ámelge asırılıp atırǵan jumıslar;
• jaslarǵa ajıratılǵan jeńilletilgen kredit qarjılarınan maqsetli paydalanıw jaǵdayı hám sol sıyaqlı basqa da máseleler boyınsha úyreniw jumısların alıp barıwı belgilengen.