Xabarıńız bar rayonda jaslardıń bos waqtın mazmunlı shólkemlestiriw, sportqa keń túrde qamtıp alıw maqsetinde usı jıldıń 5-aprel kúni «Bes baslama olimpiadası» sheńberinde sporttıń futbol hám mini futbol boyınsha “Ózbekstan Respublikası MQX kubogı”na start berilegn edi. 15 kún dawam etken jarısta 37 máhalleniń 74 komandası óz-ara bellesti.
Búgin usı jarıstıń final basqıshı bolıp ótti. Dáslep mini futbol oyınları ótkerildi. 3-orın ushin Aqshakól hám Kishi Gúldirsin máhálle jaslarınan quralǵan komandalar óz-ara kúsh sınastı hám juwmaǵında Kishi Gúldirsin máhállesi jasları jeńip shıǵıp sıylıqlı 3-orındı qolǵa kirgizdi. Final oyını Ibn Sino hám Alisher Nawayı máhallesi jasları ortasında bolıp ótti. Teń gúresler astında bolıp ótken oyında Ibn Sino máhallesi jasları jeńip shıǵıp 1-orındı qolǵa kirgizdi hám jarıstıń aymaqlıq basqıshına jollama aldı.

Bunnan keyin Oraylıq futbol stadionında futbol boyınsha 3-orın hám final oyınlarına start berildi. 3-orın ushın bolıp ótken Jasorat hám Taza baǵ máhallesi jasları ortasındaǵı jarısta Taza baǵ máhallesi jasları jeńip shıǵıp 3-orındı iyeledi.

Jarıstıń eń qızıqlı oyınlarınıń biri, Paxtashı hám Bostan máhallesi jasları arasında bolıp ótti. Sońında Paxtashı MPJ jasları jeńiske eristi hám aymaqlıq basqıshqa jollamanı qolǵa kirgizdi.