Áyne waqıtta Nókis qalasındaǵı “Góne qala” máhálle puqaralar jıyınında “Bozataw fest” tańlawınıń máhálle basqıshına start berildi.

Tańlawdı Jaslar isleri agentligi Qaraqalpaqstan Respublikası basqarması baslıǵı Ikram Abdikalikov ashıp berdi hám jaslarǵa áwmet tiledi.

– “Bozataw Fest” tańlawın biz máhálle buwınlarında ótkeriwimizdiń tiykarǵı maqset, respublikamızda birde-bir qábiletli jaslardı dıqqat itibardan shette qaldırmaw, olardıń talant hám qábiletlerin júzege shıǵarıw, – dedi Ikram Abdikalikov óz sózlerinde.

Tańlawǵa máhálledegi 100ge jaqın qábiletli jaslar óz talantların sınnan ótkeriw ushın jámlengen bolıp, olar arasınan múnásipleri sektor basqıshına jollamanı qolǵa kiritedi.