Nókis rayonında Respublika Ruwxıylıq hám aǵartıw orayı rayonlıq bólimi, rayonlıq Mádeniyat bólimi, Nókis rayonlıq Xalıq bilimlendiriw bólimi, Jaslar isleri agentligi hám 15-sanlı Balalar muzıka hám kórkem-óner mektebi menen birgelikte Nókis rayonındaǵı ulıwma bilim beriw mektepleriniń 12-16 jas aralıǵındaǵı oqıwshılardıń qatnasında “Jáhán maǵan háwes penen qarasın!” súreni astında jas baqsılar tańlawı bolıp ótti.

Tańlawdı ótkeriwden maqset jas baqsılar dóretiwshiligin qollap-quwatlaw ushın milliy kórkem ónerimizdi jáne de rawajlandırıw, keyingi áwladqa sap halında jetkeriw, xalqımızdıń materiallıq emes mádeniy miyras úlgileri bolǵan baqsıshılıq óneri hám onıń mektepleri tariyxın tereń úyreniw, rawajlandırıw, jaslardı milliy qádiriyatlarımızǵa tán bolǵan qızıǵıwshılıǵın jáne de arttırıw bolıp tabıladı.

Tańlaw juwmaǵına kóre, 16-sanlı mektep oqıwshısı Z.Eliwbaeva jeńimpaz dep tabıldı hám tańlawdıń Respublikalıq basqıshına jollanba aldı.