Keshe, 25-mart kúni Qaraqalpaq mámleketlik jas tamashagóyler teatrında Laqqılar ligası sherek finalınıń 2-oyını qızǵın bellesiwlerge bay túrde bolıp ótti.

Onda, Shaxtemir, Ǵulpaq, Xalqabatshılar hám Baxa-xa shou komandaları óziniń tereń mánili házilleri menen óz-ara kúsh sınastı.

Oyın juwmaǵına bola, Ǵulpaq hám Baxa-xa shou komandalarınıń ulıwmalıq balları teń kelip, máwsimniń yarım finalına jollanbanı qolǵa kirgizdi.

Keshegi bolıp ótken oyınnıń quwanıshlı tárepi, qatnasıwshı komandalar saxnadan biraz bolsa da jıraqlasqan ustazlardı jáne saxna júzine jámley aldı.

Atap aytqanda, Manas Sultanov, Berdax Qallibekov, Timur Karashaev, Bayram Dáwletmuratov hám Farxad Xalilaevlar komandalar menen birge rol atqarıp, oyınǵa anaǵurlım zawıq baǵıshladı.

Maǵlıwmat ornında atap ótiw orınlı, Laqqılar ligası sherek finalınıń 1-oyını juwmaǵına bola, Xojalar hám Texas komandası máwsimniń dáslepki yarım finalshıları bolǵan edi.

Bekbergen Adilbaev, reportyor