Shımbay rayonındaǵı máhállelerde “Nawrız úrip-ádet, dástúr jaslar” atamasındaǵı seyil shólkemlestirildi.

Seyil sheńberinde “Qara kól”, “Kókshi qala”, “Abat mákan”, “Gúlistan”, “Orjap”, “Berdaq”, “Jipek jolı” MPJ hám “Qosterek”, “Mayjap”, “Taǵ-jap”, “Taza jol”, “Keńes”, “Qamıs arıq”, “Pashent-taw” APJlarında sumalak qaytnatıldı hám milliy taǵamlardan bayram dasturxanı jayıldı.

Milliy oyınlarımızdan “Ílaq oyın”, “Gúres”, “Tas kóteriw”, “Arqan tartıs”, “Qoshqar dúgis”, ‘Qoraz urıs” oyınları shólkemlestirildi.

Sol menen bir qatarda rayondaǵı jaslar jetekshileri baslaması menen “Gúlistan” MPJ hám “Qosterek” APJlarda sawaplı iske qol urıldı.Bunda aymaq turǵınlarınan xabar alınıp bayram qarsańında azıq-awqat ónimleri tarqatıldı.

Rayondaǵı “Jaslar maydanshası”nda “Fashion of national clothes” milliy modalar kórgizbesinde 50 den aslam jaslar qatnastı hám usı maydanshada shash túrmeklew boyınsha sheberlik sabaǵı ótkerildi.

Máǵlıwmat ushın, Nawrız seyili 2000nan aslam rayon jasların ózinde jámledi.